| 5:1 | ወተነበዩ፡ ሐጌ፡ ወዘካርያስ፡ ወልደ፡ ሐዶ፡ ነቢይ፡ ላዕለ፡ አይሁድ፡ እለ፡ ውስተ፡ ይሁዳ፡ ወኢሩሳሌም፡ በስመ፡ አምላከ፡ እስራኤል፡ ተነበዩ፡ ሎሙ። | ወተነበዩ፡ ሐጌ፡ ወዘካርያስ፡ ወልደ፡ ሐዶ፡ ነቢይ፡ ላዕለ፡ አይሁድ፡ እለ፡ ውስተ፡ ይሁዳ፡ ወኢሩሳሌም፡ በስመ፡ አምላከ፡ እስራኤል፡ ተነበዩ፡ ሎሙ። |
|---|
| 5:2 | ወውእተ፡ አሚረ፡ ተንሥኡ፡ ዘሩባቤል፡ ወልደ፡ ሰላትያል፡ ወኢዮስስ፡ ወልደ፡ ኢዮሴዴቅ፡ ወአኀዙ፡ ይሕንጽ፡ ቤተ፡ እግዚአብሔር፡ በኢየሩሳሌም፡ ወሀለዉ፡ ምስሌሆሙ፡ ነቢያተ፡ እስራኤል፡ ዘይረድእዎሙ። | ወውእተ፡ አሚረ፡ ተንሥኡ፡ ዘሩባቤል፡ ወልደ፡ ሰላትያል፡ ወኢዮስስ፡ ወልደ፡ ኢዮሴዴቅ፡ ወአኀዙ፡ ይሕንጽ፡ ቤተ፡ እግዚአብሔር፡ በኢየሩሳሌም፡ ወሀለዉ፡ ምስሌሆሙ፡ ነቢያተ፡ እስራኤል፡ ዘይረድእዎሙ። |
|---|
| 5:3 | ወእምዝ፡ መጽኡ፡ ኀቤሆሙ፡ ውእተ፡ አሚረ፡ ታንትናይ፡ መልአከ፡ ማዕዶተ፡ ፈለግ፡ ወአስተርቡዝና፡ ወአግብርተ፡ አጋእዝቲሆሙ፡ ወከመዝ፡ ይቤልዎሙ፡ መኑ፡ አዘዘክሙ፡ ትሕንጽዎ፡ ለዝንቱ፡ ቤት፡ ወመኑ፡ ወሀበክሙ፡ በዘትገብርዎ። | ወእምዝ፡ መጽኡ፡ ኀቤሆሙ፡ ውእተ፡ አሚረ፡ ታንትናይ፡ መልአከ፡ ማዕዶተ፡ ፈለግ፡ ወአስተርቡዝና፡ ወአግብርተ፡ አጋእዝቲሆሙ፡ ወከመዝ፡ ይቤልዎሙ፡ መኑ፡ አዘዘክሙ፡ ትሕንጽዎ፡ ለዝንቱ፡ ቤት፡ ወመኑ፡ ወሀበክሙ፡ በዘትገብርዎ። |
|---|
| 5:4 | ወተስእልዎሙ፡ አስማቲሆሙ፡ ወይቤልዎሙ፡ መኑ፡ አንትሙ፡ እደው፡ እለ፡ ተሐንጽዋ፡ ለዛቲ፡ ሀገር። | ወተስእልዎሙ፡ አስማቲሆሙ፡ ወይቤልዎሙ፡ መኑ፡ አንትሙ፡ እደው፡ እለ፡ ተሐንጽዋ፡ ለዛቲ፡ ሀገር። |
|---|
| 5:5 | እስመ፡ እግዚአብሔር፡ ተሣሃሎሙ፡ ወነጸሮሙ፡ ለፄዋ፡ ይሁዳ፡ ወኢከልእዎሙ፡ እስከ፡ ገብአት፡ መልእክት፡ እምኀበ፡ ዳርዮስ፡ ወኢያዕርእዎሙ፡ ወእምዝ፡ ለአኩ፡ ሐዋርያ፡ በበይነ፡ ውእቱ፡ ነገር። | እስመ፡ እግዚአብሔር፡ ተሣሃሎሙ፡ ወነጸሮሙ፡ ለፄዋ፡ ይሁዳ፡ ወኢከልእዎሙ፡ እስከ፡ ገብአት፡ መልእክት፡ እምኀበ፡ ዳርዮስ፡ ወኢያዕርእዎሙ፡ ወእምዝ፡ ለአኩ፡ ሐዋርያ፡ በበይነ፡ ውእቱ፡ ነገር። |
|---|
| 5:6 | ወይጠይቁ፡ በመጽሐፍ፡ እንተ፡ ፈነዉ፡ ታንትናይ፡ መልአክ፡ ማዕዶተ፡ ፈለግ፡ ወአስተርቡዝና፡ ወአግብርተ፡ አጋአዝቲሆሙ፡ አፈርስካውያን፡ እለ፡ ማዕዶተ፡ ፈለግ፡ ወፈነዉ፡ መጽሐፈ፡ ለዳርዮስ፡ ንጉሥ። | ወይጠይቁ፡ በመጽሐፍ፡ እንተ፡ ፈነዉ፡ ታንትናይ፡ መልአክ፡ ማዕዶተ፡ ፈለግ፡ ወአስተርቡዝና፡ ወአግብርተ፡ አጋአዝቲሆሙ፡ አፈርስካውያን፡ እለ፡ ማዕዶተ፡ ፈለግ፡ ወፈነዉ፡ መጽሐፈ፡ ለዳርዮስ፡ ንጉሥ። |
|---|
| 5:7 | ወዝንቱ፡ ቃል፡ ጽሑፍ፡ ውእቱ፡ በመጽሐፍ፡ ዘይብል፡ ሰላም፡ ለዳርዮስ፡ ንጉሥ። | ወዝንቱ፡ ቃል፡ ጽሑፍ፡ ውእቱ፡ በመጽሐፍ፡ ዘይብል፡ ሰላም፡ ለዳርዮስ፡ ንጉሥ። |
|---|
| 5:8 | ከመ፡ ታእምር፡ ኵሎ፡ እግዚኦሙ፡ ንጉሥ፡ ሖርነ፡ ብሔረ፡ ይሁዳ፡ ኀበ፡ ቤተ፡ አምላክ፡ ዓቢይ፡ ወረከብነ፡ እንዘ፡ የሐንጹ፡ በእብን፡ ሠናይ፡ ወበመሠረት፡ ዘዕዕ፡ ነኪር፡ ዘይወድዩ፡ ውስተ፡ አረፍቱ፡ ወይፈጥን፡ ውእቱ፡ ግብር፡ ውስተ፡ እደዊሆሙ። | ከመ፡ ታእምር፡ ኵሎ፡ እግዚኦሙ፡ ንጉሥ፡ ሖርነ፡ ብሔረ፡ ይሁዳ፡ ኀበ፡ ቤተ፡ አምላክ፡ ዓቢይ፡ ወረከብነ፡ እንዘ፡ የሐንጹ፡ በእብን፡ ሠናይ፡ ወበመሠረት፡ ዘዕዕ፡ ነኪር፡ ዘይወድዩ፡ ውስተ፡ አረፍቱ፡ ወይፈጥን፡ ውእቱ፡ ግብር፡ ውስተ፡ እደዊሆሙ። |
|---|
| 5:9 | ወተስእልናሆሙ፡ ለሊቃውንቲሆሙ፡ ወንቤሎሙ፡ መነአዘዘክሙ፡ ትሕንፁ፡ ወመኑ፡ ወሀብክሙ፡ በዘትገብሩ። | ወተስእልናሆሙ፡ ለሊቃውንቲሆሙ፡ ወንቤሎሙ፡ መነአዘዘክሙ፡ ትሕንፁ፡ ወመኑ፡ ወሀብክሙ፡ በዘትገብሩ። |
|---|
| 5:10 | ወአስማቲሆሙ፡ ሐተተናሆሙ፡ ከመ፡ ንጽሐፍ፡ ለከ፡ ከመ፡ ታእምር፡ አስማቲሆሙ፡ ለእሙንቱ፡ እደው፡ ወዘመላእክቲሆሙ። | ወአስማቲሆሙ፡ ሐተተናሆሙ፡ ከመ፡ ንጽሐፍ፡ ለከ፡ ከመ፡ ታእምር፡ አስማቲሆሙ፡ ለእሙንቱ፡ እደው፡ ወዘመላእክቲሆሙ። |
|---|
| 5:11 | ወዘንተ፡ ቃለ፡ አውሥኡነ፡ እንዘ፡ ይብሉ፡ ንሕነ፡ አግብርተ፡ እግዚአብሔር፡ አምላከ፡ ሰማይ፡ ወምድር፡ ወነሐንፅ፡ ዘንተ፡ ቤተ፡ ዘትካት፡ ተሐንጸ፡ እምቅድመ፡ ብዙኅ፡ ዓመት፡ ወሐነፀ፡ ንጉሠ፡ እስራኤል፡ ዓቢይ፡ ወነደቀ፡ ሎሙ። | ወዘንተ፡ ቃለ፡ አውሥኡነ፡ እንዘ፡ ይብሉ፡ ንሕነ፡ አግብርተ፡ እግዚአብሔር፡ አምላከ፡ ሰማይ፡ ወምድር፡ ወነሐንፅ፡ ዘንተ፡ ቤተ፡ ዘትካት፡ ተሐንጸ፡ እምቅድመ፡ ብዙኅ፡ ዓመት፡ ወሐነፀ፡ ንጉሠ፡ እስራኤል፡ ዓቢይ፡ ወነደቀ፡ ሎሙ። |
|---|
| 5:12 | ወሶበ፡ አምፅዕዎ፡ አበዊነ፡ ለአምላክ፡ ሰማይ፡ አግብኦሙ፡ ውስተ፡ እዴሁ፡ ለናቡከደነፆር፡ ንጉሠ፡ ባቢሎን፡ ወቤተኒ፡ ነሠተ፡ ወሕዝበኒ፡ አፍለሰ፡ ውስተ፡ ባቢሎን። | ወሶበ፡ አምፅዕዎ፡ አበዊነ፡ ለአምላክ፡ ሰማይ፡ አግብኦሙ፡ ውስተ፡ እዴሁ፡ ለናቡከደነፆር፡ ንጉሠ፡ ባቢሎን፡ ወቤተኒ፡ ነሠተ፡ ወሕዝበኒ፡ አፍለሰ፡ ውስተ፡ ባቢሎን። |
|---|
| 5:13 | ወአመ፡ ቀዳሚት፡ ዓመተ፡ መንግሥቱ፡ ለቂሮስ፡ ንጉሥ፡ አዘዘ፡ ይሕንፅዎ፡ ለውእቱ፡ ቤተ፡ እግዚአብሔር። | ወአመ፡ ቀዳሚት፡ ዓመተ፡ መንግሥቱ፡ ለቂሮስ፡ ንጉሥ፡ አዘዘ፡ ይሕንፅዎ፡ ለውእቱ፡ ቤተ፡ እግዚአብሔር። |
|---|
| 5:14 | ወንዋየኒ፡ ዘቤ፡ እግዚአብሔር፡ ዘወርቅ፡ ወዘብሩር፡ ዘአውጽአ፡ ናቡደከነፆር፡ እምነ፡ ውእቱ፡ ቤት፡ ዘኢየሩሳሌም፡ ወአንበሮ፡ ውስተ፡ ጽርሐ፡ መንግሥቱ፡ ነሥአ፡ ቂሮስ፡ እምጽርሐ፡ መንግሥቱ፡ ወወሀቦ፡ ለሲስባሳር፡ ዓቃቤ፡ መዝገቡ፡ ወመጋቢሁ። | ወንዋየኒ፡ ዘቤ፡ እግዚአብሔር፡ ዘወርቅ፡ ወዘብሩር፡ ዘአውጽአ፡ ናቡደከነፆር፡ እምነ፡ ውእቱ፡ ቤት፡ ዘኢየሩሳሌም፡ ወአንበሮ፡ ውስተ፡ ጽርሐ፡ መንግሥቱ፡ ነሥአ፡ ቂሮስ፡ እምጽርሐ፡ መንግሥቱ፡ ወወሀቦ፡ ለሲስባሳር፡ ዓቃቤ፡ መዝገቡ፡ ወመጋቢሁ። |
|---|
| 5:15 | ወይቤሎ፡ ንሣእ፡ ዘንተ፡ ንዋየ፡ ወሑር፡ ወአንበሮ፡ ውስተ፡ ቤት፡ ዘኢየሩሳሌም፡ ውስተ፡ መካኑ። | ወይቤሎ፡ ንሣእ፡ ዘንተ፡ ንዋየ፡ ወሑር፡ ወአንበሮ፡ ውስተ፡ ቤት፡ ዘኢየሩሳሌም፡ ውስተ፡ መካኑ። |
|---|
| 5:16 | ወእምዝ፡ መድአ፡ ሲስባሳር፡ ወለሊሁ፡ ሣረረ፡ ቤተ፡ እግዚአብሔር፡ ዘኢየሩሳሌም፡ ወእምይእቲ፡ አሚር፡ እስከ፡ ይእዜ፡ የሐንፅዎ፡ ወኢተፈጸመ። | ወእምዝ፡ መድአ፡ ሲስባሳር፡ ወለሊሁ፡ ሣረረ፡ ቤተ፡ እግዚአብሔር፡ ዘኢየሩሳሌም፡ ወእምይእቲ፡ አሚር፡ እስከ፡ ይእዜ፡ የሐንፅዎ፡ ወኢተፈጸመ። |
|---|
| 5:17 | ወይእዜኒ፡ እመ፡ ፈቀደ፡ ንጉሥ፡ ይኅሥሥ፡ ውስተ፡ ቤተ፡ መዛግብት፡ በንጉሠ፡ ባቢሎን፡ ከመ፡ ታእምር፡ ከመ፡ ቂሮስ፡ ንጉሥ፡ አዘዘ፡ ይሕንፅዎ፡ ለዝንቱ፡ ቤተ፡ እግዚአብሔር፡ ዘኢየሩሳሌም፡ ወአእሚረከ፡ እግዚኦሙ፡ ንጉሥ፡ ዘከመ፡ ትፈቅድ፡ ለአከ፡ ለነ። | ወይእዜኒ፡ እመ፡ ፈቀደ፡ ንጉሥ፡ ይኅሥሥ፡ ውስተ፡ ቤተ፡ መዛግብት፡ በንጉሠ፡ ባቢሎን፡ ከመ፡ ታእምር፡ ከመ፡ ቂሮስ፡ ንጉሥ፡ አዘዘ፡ ይሕንፅዎ፡ ለዝንቱ፡ ቤተ፡ እግዚአብሔር፡ ዘኢየሩሳሌም፡ ወአእሚረከ፡ እግዚኦሙ፡ ንጉሥ፡ ዘከመ፡ ትፈቅድ፡ ለአከ፡ ለነ። |
|---|