禧年書 第 29 章｜2 種原文並排

ወርእየ ፡ ያዕቆብ ፡ ከመ ፡ የሐውር ፡ ላባ ፡ ይቅርጽ ፡ አባግዒሁ ።

ወርእየ ፡ ያዕቆብ ፡ ከመ ፡ የሐውር ፡ ላባ ፡ ይቅርጽ ፡ አባግዒሁ ።

እስመ ፡ ነገሮን ፡ ዘከመ ፡ ርእየ ፡ ኵሎ ፡ በሕልም ፡ ወኵሎ ፡ ዘተናገረ ፡ ሎቱ ፡ ከመ ፡ ይግባእ ፡ ቤተ ፡ አቡሁ ።

እስመ ፡ ነገሮን ፡ ዘከመ ፡ ርእየ ፡ ኵሎ ፡ በሕልም ፡ ወኵሎ ፡ ዘተናገረ ፡ ሎቱ ፡ ከመ ፡ ይግባእ ፡ ቤተ ፡ አቡሁ ።

ወባረከ ፡ ያዕቆብ ፡ አምላከ ፡ አቡሁ ፡ ይስሐቅ ፡ ወአምላከ ፡ አብርሃም ፡ አቡሁ ፡ ለአቡሁ ።

ወባረከ ፡ ያዕቆብ ፡ አምላከ ፡ አቡሁ ፡ ይስሐቅ ፡ ወአምላከ ፡ አብርሃም ፡ አቡሁ ፡ ለአቡሁ ።

ወበሳብዕ ፡ ዓም ፡ ዘሱባዔ ፡ ራብዕ ፡ ተመይጠ ፡ ያዕቆብ ፡ ገለአድ ፡ በቀዳሚ ፡ ወርኅ ፡ አመ ፡ ዕሥራሁ ፡ ወአሚሩ ፡ ወዴገኖ ፡ ላባ ፡ ድኅሬሁ ፡ ወረከቦ ፡ ለያዕቆብ ፡ በደብረ ፡ ገለአድ ፡ በወርኅ ፡ ሣልስ ፡ አመ ፡ ዐሡሩ ፡ ወሠሉሱ ።

ወበሳብዕ ፡ ዓም ፡ ዘሱባዔ ፡ ራብዕ ፡ ተመይጠ ፡ ያዕቆብ ፡ ገለአድ ፡ በቀዳሚ ፡ ወርኅ ፡ አመ ፡ ዕሥራሁ ፡ ወአሚሩ ፡ ወዴገኖ ፡ ላባ ፡ ድኅሬሁ ፡ ወረከቦ ፡ ለያዕቆብ ፡ በደብረ ፡ ገለአድ ፡ በወርኅ ፡ ሣልስ ፡ አመ ፡ ዐሡሩ ፡ ወሠሉሱ ።

ወኢኀደጎ ፡ እግዚአብሔር ፡ ከመ ፡ ያሕሥም ፡ ላዕለ ፡ ያዕቆብ ፡ እስመ ፡ አስተርአዮ ፡ በሕልም ፡ ሌሊተ ፡ ወነገሮ ፡ ላባ ፡ ለያዕቆብ ።

ወኢኀደጎ ፡ እግዚአብሔር ፡ ከመ ፡ ያሕሥም ፡ ላዕለ ፡ ያዕቆብ ፡ እስመ ፡ አስተርአዮ ፡ በሕልም ፡ ሌሊተ ፡ ወነገሮ ፡ ላባ ፡ ለያዕቆብ ።

ወአመ ፡ ዐሡሩ ፡ ወሐሙሱ ፡ ለውእቱ ፡ መዋዕል ፡ ገብረ ፡ ያዕቆብ ፡ ግዝአ ፡ ለላባ ፡ ወለኵሎሙ ፡ እለ ፡ መጽኡ ፡ ምስሌሁ ፡ ወመሐለ ፡ ያዕቆብ ፡ ለላባ ፡ በዛቲ ፡ ዕለት ፡ ወላባሂ ፡ ለያዕቆብ ፡ ከመ ፡ ኢይትዐደው ፡ አሐዱ ፡ ካልኦ ፡ በእከይ ፡ በደብረ ፡ ገለአድ ።

ወአመ ፡ ዐሡሩ ፡ ወሐሙሱ ፡ ለውእቱ ፡ መዋዕል ፡ ገብረ ፡ ያዕቆብ ፡ ግዝአ ፡ ለላባ ፡ ወለኵሎሙ ፡ እለ ፡ መጽኡ ፡ ምስሌሁ ፡ ወመሐለ ፡ ያዕቆብ ፡ ለላባ ፡ በዛቲ ፡ ዕለት ፡ ወላባሂ ፡ ለያዕቆብ ፡ ከመ ፡ ኢይትዐደው ፡ አሐዱ ፡ ካልኦ ፡ በእከይ ፡ በደብረ ፡ ገለአድ ።

ወገብረ ፡ ህየ ፡ ፍሥሐተ ፡ ለስምዕ ፡ በእንተዝ ፡ ተጸውዐ ፡ ስሙ ፡ ለውእቱ ፡ መካን ፡ ፍሥሐተ ፡ ስምዕ ፡ ከመዝ ፡ ፍሥሐት ።

ወገብረ ፡ ህየ ፡ ፍሥሐተ ፡ ለስምዕ ፡ በእንተዝ ፡ ተጸውዐ ፡ ስሙ ፡ ለውእቱ ፡ መካን ፡ ፍሥሐተ ፡ ስምዕ ፡ ከመዝ ፡ ፍሥሐት ።

ወቀዲሙሰ ፡ ይጼውዕዎ ፡ ለምድረ ፡ ገለአድ ፡ ምድረ ፡ ራፋኤል ፡ እስመ ፡ ምድረ ፡ ራፋኤም ፡ ይእቲ ።

ወቀዲሙሰ ፡ ይጼውዕዎ ፡ ለምድረ ፡ ገለአድ ፡ ምድረ ፡ ራፋኤል ፡ እስመ ፡ ምድረ ፡ ራፋኤም ፡ ይእቲ ።

ወመኃድሪሆሙ ፡ እምነ ፡ ምድረ ፡ ውሉደ ፡ አሞን ፡ እስከ ፡ ደብረ ፡ ኤርሞን ፡ ወቤተ ፡ መንግሥቶሙ ፡ ቀራናኤም ፡ ወአስጠሮስ ፡ ወአድራኦ ፡ ወሚሱር ፡ ወቤዎን ።

ወመኃድሪሆሙ ፡ እምነ ፡ ምድረ ፡ ውሉደ ፡ አሞን ፡ እስከ ፡ ደብረ ፡ ኤርሞን ፡ ወቤተ ፡ መንግሥቶሙ ፡ ቀራናኤም ፡ ወአስጠሮስ ፡ ወአድራኦ ፡ ወሚሱር ፡ ወቤዎን ።

ወአሕጐሎሙ ፡ እግዚአብሔር ፡ እምእከየ ፡ ምግባሮሙ ፡ እስመ ፡ ፀዋጋን ፡ ጥቀ ፡ እሙንቱ ።

ወአሕጐሎሙ ፡ እግዚአብሔር ፡ እምእከየ ፡ ምግባሮሙ ፡ እስመ ፡ ፀዋጋን ፡ ጥቀ ፡ እሙንቱ ።

ወፈነወ ፡ ያዕቆብ ፡ ላባሃ ፡ ወሖረ ፡ ውስተ ፡ መስጴጦምያ ፡ ምድረ ፡ ጽባሕ ።

ወፈነወ ፡ ያዕቆብ ፡ ላባሃ ፡ ወሖረ ፡ ውስተ ፡ መስጴጦምያ ፡ ምድረ ፡ ጽባሕ ።

ወተዐደወ ፡ ኢያቦክሃ ፡ በታስዕ ፡ ወርኅ ፡ አመ ፡ ዐሡሩ ፡ ወአሚሩ ።

ወተዐደወ ፡ ኢያቦክሃ ፡ በታስዕ ፡ ወርኅ ፡ አመ ፡ ዐሡሩ ፡ ወአሚሩ ።

ወበዓመት ፡ ቀዳሚ ፡ ዘኃምስ ፡ ሱባዔ ፡ በዝኢዮቤልውስ ፡ ዐደወ ፡ ዮርዳኖስ ፡ ወኀደረ ፡ ማዕዶተ ፡ ዮርዳኖስ ፡ ወይሬዒ ፡ አባግዒሁ ፡ እምባሕረ ፡ ፈሐሐት ፡ እስከ ፡ ቤተ ፡ ሳን ፡ ወእስከ ፡ ዶታኢም ፡ ወእስከ ፡ አመ ፡ አቅራቢት ።

ወበዓመት ፡ ቀዳሚ ፡ ዘኃምስ ፡ ሱባዔ ፡ በዝኢዮቤልውስ ፡ ዐደወ ፡ ዮርዳኖስ ፡ ወኀደረ ፡ ማዕዶተ ፡ ዮርዳኖስ ፡ ወይሬዒ ፡ አባግዒሁ ፡ እምባሕረ ፡ ፈሐሐት ፡ እስከ ፡ ቤተ ፡ ሳን ፡ ወእስከ ፡ ዶታኢም ፡ ወእስከ ፡ አመ ፡ አቅራቢት ።

ወይፌኑ ፡ ለአቡሁ ፡ ለይስሐቅ ፡ እምኵሉ ፡ ጥሪቱ ፡ ልብሰ ፡ ወሲሲተ ፡ ወሥጋ ፡ ወስቴ ፡ ወሐሊበ ፡ ወቅብአ ፡ ወኀብስተ ፡ ሐሊብ ፡ ወእምነ ፡ ተመርተ ፡ ቈላ ።

ወይፌኑ ፡ ለአቡሁ ፡ ለይስሐቅ ፡ እምኵሉ ፡ ጥሪቱ ፡ ልብሰ ፡ ወሲሲተ ፡ ወሥጋ ፡ ወስቴ ፡ ወሐሊበ ፡ ወቅብአ ፡ ወኀብስተ ፡ ሐሊብ ፡ ወእምነ ፡ ተመርተ ፡ ቈላ ።

ወለእሙሂ ፡ ለርብቃ ፡ ርብዕ ፡ ለዓመት ፡ ማእከለ ፡ ጊዜያቲሆሙ ፡ ለአውራኅ ፡ ወማእከለ ፡ ሐሪስ ፡ ወለዐፂድ ፡ ወማእከለ ፡ ጸዳይ ፡ ወዝናም ፡ ወማእከለ ፡ ክረምት ፡ ወሐጋይ ፡ ውስተ ፡ ማኅፈዱ ፡ ለአብርሃም ።

ወለእሙሂ ፡ ለርብቃ ፡ ርብዕ ፡ ለዓመት ፡ ማእከለ ፡ ጊዜያቲሆሙ ፡ ለአውራኅ ፡ ወማእከለ ፡ ሐሪስ ፡ ወለዐፂድ ፡ ወማእከለ ፡ ጸዳይ ፡ ወዝናም ፡ ወማእከለ ፡ ክረምት ፡ ወሐጋይ ፡ ውስተ ፡ ማኅፈዱ ፡ ለአብርሃም ።

እስመ ፡ ተመይጠ ፡ ይስሐቅ ፡ እምዐዘቅተ ፡ መሐላ ፡ ወዐርገ ፡ ውስተ ፡ ማኅፈደ ፡ አቡሁ ፡ አብርሃም ፡ ወኀደረ ፡ ህየ ፡ እምዔሳው ፡ ወልዱ ።

እስመ ፡ ተመይጠ ፡ ይስሐቅ ፡ እምዐዘቅተ ፡ መሐላ ፡ ወዐርገ ፡ ውስተ ፡ ማኅፈደ ፡ አቡሁ ፡ አብርሃም ፡ ወኀደረ ፡ ህየ ፡ እምዔሳው ፡ ወልዱ ።

እስመ ፡ በመዋዕለ ፡ ሖረ ፡ ያዕቆብ ፡ መስጴጦምያ ፡ ነሥአ ፡ ለርእሱ ፡ ዔሳው ፡ ብእሲተ ፡ መኤሌትሃ ፡ ወለተ ፡ ይስማዔል ፡ ወአስተጋብአ ፡ ኵሎ ፡ መርዔተ ፡ አቡሁ ፡ ወአንስቲያሁ ፡ ወዐርገ ፡ ወኀደረ ፡ ውስተ ፡ ደብረ ፡ ሲር ።

እስመ ፡ በመዋዕለ ፡ ሖረ ፡ ያዕቆብ ፡ መስጴጦምያ ፡ ነሥአ ፡ ለርእሱ ፡ ዔሳው ፡ ብእሲተ ፡ መኤሌትሃ ፡ ወለተ ፡ ይስማዔል ፡ ወአስተጋብአ ፡ ኵሎ ፡ መርዔተ ፡ አቡሁ ፡ ወአንስቲያሁ ፡ ወዐርገ ፡ ወኀደረ ፡ ውስተ ፡ ደብረ ፡ ሲር ።

ወዐርገ ፡ ይስሐቅ ፡ እምዐዘቅተ ፡ መሐላ ፡ ወኀደረ ፡ ማኅፈደ ፡ አብርሃም ፡ አቡሁ ፡ ውስተ ፡ ደብረ ፡ ኬብሮን ።

ወዐርገ ፡ ይስሐቅ ፡ እምዐዘቅተ ፡ መሐላ ፡ ወኀደረ ፡ ማኅፈደ ፡ አብርሃም ፡ አቡሁ ፡ ውስተ ፡ ደብረ ፡ ኬብሮን ።

ወእምህየ ፡ ይፌኑ ፡ ያዕቆብ ፡ ኵሎ ፡ ዘይፌኑ ፡ ለአቡሁ ፡ ወለእሙ ፡ እምጊዜ ፡ በበ ፡ ጊዜ ፡ ኵሎ ፡ ትካዞሙ ።

ወእምህየ ፡ ይፌኑ ፡ ያዕቆብ ፡ ኵሎ ፡ ዘይፌኑ ፡ ለአቡሁ ፡ ወለእሙ ፡ እምጊዜ ፡ በበ ፡ ጊዜ ፡ ኵሎ ፡ ትካዞሙ ።

1 ወኮነ ፡ እምዘ ፡ ወለደት ፡ ራሔል ፡ ዮሴፍሃ ፡ ወሖረ ፡ ላባ ፡ ይቅርጽ ፡ አባግዒሁ ፡ እስመ ፡ ርሑቅ ፡ ሀለዋ ፡ እምኀቤሁ ፡ ምሕዋረ ፡ ሠሉስ ፡ ዕለት ።

1 ወኮነ ፡ እምዘ ፡ ወለደት ፡ ራሔል ፡ ዮሴፍሃ ፡ ወሖረ ፡ ላባ ፡ ይቅርጽ ፡ አባግዒሁ ፡ እስመ ፡ ርሑቅ ፡ ሀለዋ ፡ እምኀቤሁ ፡ ምሕዋረ ፡ ሠሉስ ፡ ዕለት ።