禧年書 第 44 章｜2 種原文並排

ወተንሥአ ፡ እስራኤል ፡ እምካራን ፡ እምቤቱ ፡ በሠርቀ ፡ ሣልስ ፡ ወርኅ ፡ ወሖረ ፡ እንተ ፡ ፍኖተ ፡ ዐዘቅተ ፡ መሐላ ፡ ወሦዐ ፡ መሥዋዕተ ፡ ለአምላከ ፡ አቡሁ ፡ ይስሐቅ ፡ አመ ፡ ሰቡዑ ፡ ለዝ ፡ ወርኅ ።

ወተንሥአ ፡ እስራኤል ፡ እምካራን ፡ እምቤቱ ፡ በሠርቀ ፡ ሣልስ ፡ ወርኅ ፡ ወሖረ ፡ እንተ ፡ ፍኖተ ፡ ዐዘቅተ ፡ መሐላ ፡ ወሦዐ ፡ መሥዋዕተ ፡ ለአምላከ ፡ አቡሁ ፡ ይስሐቅ ፡ አመ ፡ ሰቡዑ ፡ ለዝ ፡ ወርኅ ።

ወተዘከረ ፡ ያዕቆብ ፡ ሕልመ ፡ ዘርእየ ፡ በቤቴል ፡ ወፈርሀ ፡ ወሪደ ፡ ውስተ ፡ ግብጽ ፡ 3 ወእንዘ ፡ ይኄሊ ፡ ይልአክ ፡ ለዮሴፍ ፡ ከመ ፡ ይምጻእ ፡ ኀቤሁ ፡ ወኢይረድ ፡ ውእቱ ።

ወተዘከረ ፡ ያዕቆብ ፡ ሕልመ ፡ ዘርእየ ፡ በቤቴል ፡ ወፈርሀ ፡ ወሪደ ፡ ውስተ ፡ ግብጽ ፡ 3 ወእንዘ ፡ ይኄሊ ፡ ይልአክ ፡ ለዮሴፍ ፡ ከመ ፡ ይምጻእ ፡ ኀቤሁ ፡ ወኢይረድ ፡ ውእቱ ።

ወገብረ ፡ በዓለ ፡ ማእረር ፡ ቀዳሜ ፡ ፍሬ ፡ ስርናይ ፡ እምስርናይ ፡ ብሉይ ፡ እስመ ፡ አልቦ ፡ ውስተ ፡ ኵሉ ፡ ምድረ ፡ ከናአን ፡ ምልአ ፡ እድ ፡ ምንተሂ ፡ ዘርአ ፡ ውስተ ፡ ምድር ፡ እስመ ፡ ዐባር ፡ ውእቱ ፡ ኮነ ፡ ለኵሉ ፡ አራዊት ፡ ወለእንስሳ ፡ ወለአዕዋፍ ፡ ወለሰብእኒ ።

ወገብረ ፡ በዓለ ፡ ማእረር ፡ ቀዳሜ ፡ ፍሬ ፡ ስርናይ ፡ እምስርናይ ፡ ብሉይ ፡ እስመ ፡ አልቦ ፡ ውስተ ፡ ኵሉ ፡ ምድረ ፡ ከናአን ፡ ምልአ ፡ እድ ፡ ምንተሂ ፡ ዘርአ ፡ ውስተ ፡ ምድር ፡ እስመ ፡ ዐባር ፡ ውእቱ ፡ ኮነ ፡ ለኵሉ ፡ አራዊት ፡ ወለእንስሳ ፡ ወለአዕዋፍ ፡ ወለሰብእኒ ።

ወአመ ፡ ዐሡሩ ፡ ወሰዱሱ ፡ አስተርአዮ ፡ እግዚአብሔር ፡ ወይቤሎ ፡ ያዕቆብ ፡ ያዕቆብ ፡ ወይቤ ፡ ነየ ፡ አነ ።

ወአመ ፡ ዐሡሩ ፡ ወሰዱሱ ፡ አስተርአዮ ፡ እግዚአብሔር ፡ ወይቤሎ ፡ ያዕቆብ ፡ ያዕቆብ ፡ ወይቤ ፡ ነየ ፡ አነ ።

አነ ፡ እወርድ ፡ ምስሌከ ፡ ወአነ ፡ እወስደከ ፡ ወበዛቲ ፡ ምድር ፡ ትትቀበር ፡ ወዮሴፍ ፡ ያነብር ፡ እዴሁ ፡ ዲበ ፡ አዕይንቲከ ፡ ኢትፍራህ ፡ ረድ ፡ ውስተ ፡ ግብጽ ።

አነ ፡ እወርድ ፡ ምስሌከ ፡ ወአነ ፡ እወስደከ ፡ ወበዛቲ ፡ ምድር ፡ ትትቀበር ፡ ወዮሴፍ ፡ ያነብር ፡ እዴሁ ፡ ዲበ ፡ አዕይንቲከ ፡ ኢትፍራህ ፡ ረድ ፡ ውስተ ፡ ግብጽ ።

ወተንሥኡ ፡ ውሉዱ ፡ ወውሉደ ፡ ውሉዱ ፡ ወአጽዐኑ ፡ አባሆሙ ፡ ወንዋዮሙ ፡ ዲበ ፡ ሰረገላት ፡ 8 ወተንሥአ ፡ እስራኤል ፡ እምዐዘቅተ ፡ መሐላ ፡ አመ ፡ ዐሡር ፡ ወሰዱስ ፡ ዕለት ፡ ዘዝ ፡ ወርኅ ፡ ሣልስ ፡ ወሖረ ፡ ብሔረ ፡ ግብጽ ።

ወተንሥኡ ፡ ውሉዱ ፡ ወውሉደ ፡ ውሉዱ ፡ ወአጽዐኑ ፡ አባሆሙ ፡ ወንዋዮሙ ፡ ዲበ ፡ ሰረገላት ፡ 8 ወተንሥአ ፡ እስራኤል ፡ እምዐዘቅተ ፡ መሐላ ፡ አመ ፡ ዐሡር ፡ ወሰዱስ ፡ ዕለት ፡ ዘዝ ፡ ወርኅ ፡ ሣልስ ፡ ወሖረ ፡ ብሔረ ፡ ግብጽ ።

ወፈነወ ፡ እስራኤል ፡ ቅድሜሁ ፡ ኀበ ፡ ዮሴፍ ፡ ወልዶ ፡ ይሁዳሃ ፡ ከመ ፡ ያስተሐይጽ ፡ ምድረ ፡ ጌሤም ፡ እስመ ፡ ህየ ፡ ይቤሎሙ ፡ ዮሴፍ ፡ ለአኀዊሁ ፡ ይምጽኡ ፡ ከመ ፡ ይኅድሩ ፡ ህየ ፡ ከመ ፡ ይኩኑ ፡ ቅሩባነ ፡ ዚአሁ ።

ወፈነወ ፡ እስራኤል ፡ ቅድሜሁ ፡ ኀበ ፡ ዮሴፍ ፡ ወልዶ ፡ ይሁዳሃ ፡ ከመ ፡ ያስተሐይጽ ፡ ምድረ ፡ ጌሤም ፡ እስመ ፡ ህየ ፡ ይቤሎሙ ፡ ዮሴፍ ፡ ለአኀዊሁ ፡ ይምጽኡ ፡ ከመ ፡ ይኅድሩ ፡ ህየ ፡ ከመ ፡ ይኩኑ ፡ ቅሩባነ ፡ ዚአሁ ።

ወይእቲኒ ፡ ሠናይት ፡ በምድረ ፡ ግብጽ ፡ ወቅርብት ፡ ኀቤሁ ፡ ለኵሉ ፡ ወለእለሂ ፡ እንስሳ ።

ወይእቲኒ ፡ ሠናይት ፡ በምድረ ፡ ግብጽ ፡ ወቅርብት ፡ ኀቤሁ ፡ ለኵሉ ፡ ወለእለሂ ፡ እንስሳ ።

ወዝ ፡ አስማቲሆሙ ፡ ለውሉደ ፡ ያዕቆብ ፡ እለ ፡ ሖሩ ፡ ውስተ ፡ ግብጽ ፡ ምስለ ፡ ያዕቆብ ፡ አቡሆሙ ፡ 12 ሮቤል ፡ በኵሩ ፡ ለእስራኤል ፡ ወዝ ፡ አስማቲሆሙ ፡ ለውሉዱ ፡ ኤኖክ ፡ ወፋሉስ ፡ ወኤስሮም ፡ ወከራሚ ፡ ኀምስቱ ።

ወዝ ፡ አስማቲሆሙ ፡ ለውሉደ ፡ ያዕቆብ ፡ እለ ፡ ሖሩ ፡ ውስተ ፡ ግብጽ ፡ ምስለ ፡ ያዕቆብ ፡ አቡሆሙ ፡ 12 ሮቤል ፡ በኵሩ ፡ ለእስራኤል ፡ ወዝ ፡ አስማቲሆሙ ፡ ለውሉዱ ፡ ኤኖክ ፡ ወፋሉስ ፡ ወኤስሮም ፡ ወከራሚ ፡ ኀምስቱ ።

ስምዖን ፡ ወውሉዱ ፡ ወዝ ፡ አስማቲሆሙ ፡ ለውሉዱ ፡ ኢያሙኤል ፡ ወኢያሚን ፡ ወአዎት ፡ ወኢያኪም ፡ ወሳአር ፡ ወሳውል ፡ ወልዳ ፡ ለፍኒሰወት ፡ ሰብዓቱ ።

ስምዖን ፡ ወውሉዱ ፡ ወዝ ፡ አስማቲሆሙ ፡ ለውሉዱ ፡ ኢያሙኤል ፡ ወኢያሚን ፡ ወአዎት ፡ ወኢያኪም ፡ ወሳአር ፡ ወሳውል ፡ ወልዳ ፡ ለፍኒሰወት ፡ ሰብዓቱ ።

ሌዊ ፡ ወውሉዱ ፡ ወዝ ፡ አስማቲሆሙ ፡ ለውሉዱ ፡ ጌድሶን ፡ ወቃዓድ ፡ ወሚራሪ ፡ አርባዕቱ ።

ሌዊ ፡ ወውሉዱ ፡ ወዝ ፡ አስማቲሆሙ ፡ ለውሉዱ ፡ ጌድሶን ፡ ወቃዓድ ፡ ወሚራሪ ፡ አርባዕቱ ።

ይሁዳ ፡ ወውሉዱ ፡ ወዝ ፡ አስማቲሆሙ ፡ ለውሉዱ ፡ ሴሎም ፡ ወፋሬስ ፡ ወዛራ ፡ አርባዕቱ ።

ይሁዳ ፡ ወውሉዱ ፡ ወዝ ፡ አስማቲሆሙ ፡ ለውሉዱ ፡ ሴሎም ፡ ወፋሬስ ፡ ወዛራ ፡ አርባዕቱ ።

ይሳኮር ፡ ወውሉዱ ፡ ወዝ ፡ አስማቲሆሙ ፡ ለውሉዱ ፡ ቶላ ፡ ወፉአ ፡ ወኢያሱብ ፡ ወሳምሮም ፡ ኀምስቱ ።

ይሳኮር ፡ ወውሉዱ ፡ ወዝ ፡ አስማቲሆሙ ፡ ለውሉዱ ፡ ቶላ ፡ ወፉአ ፡ ወኢያሱብ ፡ ወሳምሮም ፡ ኀምስቱ ።

ዛብሎን ፡ ወውሉዱ ፡ ወዝ ፡ አስማቲሆሙ ፡ ለውሉዱ ፡ ሳአር ፡ ወኤሎን ፡ ወኢያሊኤል ፡ አርባዕቱ ።

ዛብሎን ፡ ወውሉዱ ፡ ወዝ ፡ አስማቲሆሙ ፡ ለውሉዱ ፡ ሳአር ፡ ወኤሎን ፡ ወኢያሊኤል ፡ አርባዕቱ ።

ወእሉ ፡ ውሉደ ፡ ያዕቆብ ፡ ወውሉዶሙ ፡ እለ ፡ ወለደት ፡ ልያ ፡ ለያዕቆብ ፡ በመስጴጦምያ ፡ ስድስቱ ፡ ወአሐቲ ፡ ዲና ፡ እኅቶሙ ።

ወእሉ ፡ ውሉደ ፡ ያዕቆብ ፡ ወውሉዶሙ ፡ እለ ፡ ወለደት ፡ ልያ ፡ ለያዕቆብ ፡ በመስጴጦምያ ፡ ስድስቱ ፡ ወአሐቲ ፡ ዲና ፡ እኅቶሙ ።

ወውሉደ ፡ ዘለፋ ፡ ለአኪታ ፡ ለልያ ፡ ብእሲተ ፡ ያዕቆብ ፡ ዘወለደት ፡ ለያዕቆብ ፡ ጋድሃ ፡ ወአሴርሃ ።

ወውሉደ ፡ ዘለፋ ፡ ለአኪታ ፡ ለልያ ፡ ብእሲተ ፡ ያዕቆብ ፡ ዘወለደት ፡ ለያዕቆብ ፡ ጋድሃ ፡ ወአሴርሃ ።

ወዝ ፡ አስማተ ፡ ውሉዶሙ ፡ እለ ፡ ቦኡ ፡ ምስሌሁ ፡ ውስተ ፡ ግብጽ ፡ ውሉደ ፡ ጋድ ፡ ሴፍዮን ፡ ወአጋቲ ፡ ወሱኒ ፡ ወአሲቦን ፡ [ወዔዲስ] ፡ ወአሪሊ ፡ ወአሩዲ ፡ ሰማኒቱ ።

ወዝ ፡ አስማተ ፡ ውሉዶሙ ፡ እለ ፡ ቦኡ ፡ ምስሌሁ ፡ ውስተ ፡ ግብጽ ፡ ውሉደ ፡ ጋድ ፡ ሴፍዮን ፡ ወአጋቲ ፡ ወሱኒ ፡ ወአሲቦን ፡ [ወዔዲስ] ፡ ወአሪሊ ፡ ወአሩዲ ፡ ሰማኒቱ ።

ወውሉደ ፡ አሴር ፡ ኢዮምና ፡ ወይሱአ ፡ [ወይኡኤል] ፡ ወቤርያ ፡ ወሳራ ፡ እኅቶሙ ፡ አሐቲ ፡ ኀምስቱ ።

ወውሉደ ፡ አሴር ፡ ኢዮምና ፡ ወይሱአ ፡ [ወይኡኤል] ፡ ወቤርያ ፡ ወሳራ ፡ እኅቶሙ ፡ አሐቲ ፡ ኀምስቱ ።

ኵሉ ፡ ነፍስ ፡ ዐሠርቱ ፡ ወአርባዕቱ ፡ ወኮነ ፡ ኵሉ ፡ ዘልያ ፡ አርባዓ ፡ ወአርባዕቱ ።

ኵሉ ፡ ነፍስ ፡ ዐሠርቱ ፡ ወአርባዕቱ ፡ ወኮነ ፡ ኵሉ ፡ ዘልያ ፡ አርባዓ ፡ ወአርባዕቱ ።

ወውሉደ ፡ ራሔል ፡ ዘብእሲተ ፡ ያዕቆብ ፡ ዮሴፍ ፡ ወብንያም ።

ወውሉደ ፡ ራሔል ፡ ዘብእሲተ ፡ ያዕቆብ ፡ ዮሴፍ ፡ ወብንያም ።

ወተወልዱ ፡ ለዮሴፍ ፡ በግብጽ ፡ ዘእንበለ ፡ ይባእ ፡ አቡሁ ፡ ውስተ ፡ ግብጽ ፡ ዘወለደት ፡ ሎቱ ፡ አስኔት ፡ ወለተ ፡ ፉጢራዕ ፡ ሣውዕ ፡ ዘኢሊዮጳሊስ ፡ ምነሴሃ ፡ ወኤፍሬምሃ ።

ወተወልዱ ፡ ለዮሴፍ ፡ በግብጽ ፡ ዘእንበለ ፡ ይባእ ፡ አቡሁ ፡ ውስተ ፡ ግብጽ ፡ ዘወለደት ፡ ሎቱ ፡ አስኔት ፡ ወለተ ፡ ፉጢራዕ ፡ ሣውዕ ፡ ዘኢሊዮጳሊስ ፡ ምነሴሃ ፡ ወኤፍሬምሃ ።

ወውሉደ ፡ ብንያም ፡ ባላ ፡ ወባኮር ፡ ወአስቢል ፡ ጉአድ ፡ ወንኤማን ፡ ወአብዮድ ፡ ወራኤ ፡ ወሰናኒም ፡ ወአፊም ፡ ወጋአም ፡ ዐሠርቱ ፡ ወአሐዱ ።

ወውሉደ ፡ ብንያም ፡ ባላ ፡ ወባኮር ፡ ወአስቢል ፡ ጉአድ ፡ ወንኤማን ፡ ወአብዮድ ፡ ወራኤ ፡ ወሰናኒም ፡ ወአፊም ፡ ወጋአም ፡ ዐሠርቱ ፡ ወአሐዱ ።

ወኮነ ፡ ኵሉ ፡ ነፍስ ፡ ዘራሔል ፡ ዐሠርቱ ፡ ወአርባዕቱ ።

ወኮነ ፡ ኵሉ ፡ ነፍስ ፡ ዘራሔል ፡ ዐሠርቱ ፡ ወአርባዕቱ ።

ወውሉደ ፡ ባላ ፡ ለአኪታ ፡ ለራሔል ፡ ብእሲቱ ፡ ለያዕቆብ ፡ ዘወለደት ፡ ለያዕቆብ ፡ ዳንሃ ፡ ወንፍታሌም ።

ወውሉደ ፡ ባላ ፡ ለአኪታ ፡ ለራሔል ፡ ብእሲቱ ፡ ለያዕቆብ ፡ ዘወለደት ፡ ለያዕቆብ ፡ ዳንሃ ፡ ወንፍታሌም ።

ወዝ ፡ አስማተ ፡ ውሉዶሙ ፡ እለ ፡ ቦኡ ፡ ምስሌሆሙ ፡ ውስተ ፡ ግብጽ ፡ ውሉደ ፡ ዳን ፡ ኩሲም ፡ ወሳሞን ፡ ወአሱዲ ፡ ወኢያከ ፡ ወሰሎሞን ፡ ስድስቱ ፡

ወዝ ፡ አስማተ ፡ ውሉዶሙ ፡ እለ ፡ ቦኡ ፡ ምስሌሆሙ ፡ ውስተ ፡ ግብጽ ፡ ውሉደ ፡ ዳን ፡ ኩሲም ፡ ወሳሞን ፡ ወአሱዲ ፡ ወኢያከ ፡ ወሰሎሞን ፡ ስድስቱ ፡

ወሞቱ ፡ በግብጽ ፡ በዓመተ ፡ ቦኡ ፡ ወተረፎ ፡ ለዳን ፡ ኩሲም ፡ ባሕቲቱ ።

ወሞቱ ፡ በግብጽ ፡ በዓመተ ፡ ቦኡ ፡ ወተረፎ ፡ ለዳን ፡ ኩሲም ፡ ባሕቲቱ ።

ወዝ ፡ አስማቲሆሙ ፡ ለውሉደ ፡ ንፍታሌም ፡ ኢያሲኤል ፡ ወጋሂኒ ፡ ወአሰአር ፡ ወሰሉም ፡ ወኤው ፡

ወዝ ፡ አስማቲሆሙ ፡ ለውሉደ ፡ ንፍታሌም ፡ ኢያሲኤል ፡ ወጋሂኒ ፡ ወአሰአር ፡ ወሰሉም ፡ ወኤው ፡

ወሞተ ፡ ኤው ፡ በግብጽ ፡ ዘተወልደ ፡ እምድኅረ ፡ ዓመተ ፡ ዐባር ፡

ወሞተ ፡ ኤው ፡ በግብጽ ፡ ዘተወልደ ፡ እምድኅረ ፡ ዓመተ ፡ ዐባር ፡

ወኮኑ ፡ ኵሎሙ ፡ ዘራሔል ፡ ዕሥራ ፡ ወስድስቱ ።

ወኮኑ ፡ ኵሎሙ ፡ ዘራሔል ፡ ዕሥራ ፡ ወስድስቱ ።

ወኵሉ ፡ መንፈስ ፡ ዘያዕቆብ ፡ ዘቦአ ፡ ውስተ ፡ ግብጽ ፡ ሰብዓ ፡ መንፈስ ።

ወኵሉ ፡ መንፈስ ፡ ዘያዕቆብ ፡ ዘቦአ ፡ ውስተ ፡ ግብጽ ፡ ሰብዓ ፡ መንፈስ ።

ወበምድረ ፡ ከናአን ፡ ሞትዎ ፡ ለይሁዳ ፡ ክልኤቱ ፡ ደቁ ፡ ኤር ፡ ወኣውናን ፡ ወአልቦሙ ፡ ውሉደ ፡ ወቀበርዎሙ ፡ ደቂቀ ፡ እስራኤል ፡ ለእለ ፡ ተሐጕሉ ፡ ወተሠይሙ ፡ ውስተ ፡ ሰብዓ ፡ ሕዝብ ።

ወበምድረ ፡ ከናአን ፡ ሞትዎ ፡ ለይሁዳ ፡ ክልኤቱ ፡ ደቁ ፡ ኤር ፡ ወኣውናን ፡ ወአልቦሙ ፡ ውሉደ ፡ ወቀበርዎሙ ፡ ደቂቀ ፡ እስራኤል ፡ ለእለ ፡ ተሐጕሉ ፡ ወተሠይሙ ፡ ውስተ ፡ ሰብዓ ፡ ሕዝብ ።