| 19:1 | ወሶበ፡ በዝኁ፡ ደቂቀ፡ ቃየን፡ ገብሩ፡ ዕንዚራ፡ ወከበሮ፡ ወመሰንቅ፡ ወብዕዛ፡ ወኵሉ፡ ተውኔተ፡ ወዘፈነ። | ወሶበ፡ በዝኁ፡ ደቂቀ፡ ቃየን፡ ገብሩ፡ ዕንዚራ፡ ወከበሮ፡ ወመሰንቅ፡ ወብዕዛ፡ ወኵሉ፡ ተውኔተ፡ ወዘፈነ። |
|---|
| 19:2 | ወዓዲ፡ ተወልደ፡ አዋልድ፡ ለቃየን፡ ሠናያት፡ ወላህያት፡ እምብእሲተ፡ አቤል፡ ጻድቅ፡ ዘቀተሎ፡ በእንቲአሃ፡ እስመ፡ ላህይት፡ ይእቲ፡ ወእምድኅረ፡ ቀተሎ፡ ለአኁሁ፡ ነሥአ፡ ኪያሃ፡ ወእንታክትኒ፡ እንቲአሁ። | ወዓዲ፡ ተወልደ፡ አዋልድ፡ ለቃየን፡ ሠናያት፡ ወላህያት፡ እምብእሲተ፡ አቤል፡ ጻድቅ፡ ዘቀተሎ፡ በእንቲአሃ፡ እስመ፡ ላህይት፡ ይእቲ፡ ወእምድኅረ፡ ቀተሎ፡ ለአኁሁ፡ ነሥአ፡ ኪያሃ፡ ወእንታክትኒ፡ እንቲአሁ። |
|---|
| 19:3 | ወተግኀሠ፡ እምአቡሁ፡ ነሢኦ፡ ኪያሆን፡ ውስተ፡ ቈላአ፡ ቄፋዝ፡ መንገለ፡ ዓረብ፡ ወደቂቃ፡ ለይእቲ፡ ላህይት፡ እለ፡ ኮና፡ ልሁያተ፡ ከመ፡ አሞን። | ወተግኀሠ፡ እምአቡሁ፡ ነሢኦ፡ ኪያሆን፡ ውስተ፡ ቈላአ፡ ቄፋዝ፡ መንገለ፡ ዓረብ፡ ወደቂቃ፡ ለይእቲ፡ ላህይት፡ እለ፡ ኮና፡ ልሁያተ፡ ከመ፡ አሞን። |
|---|
| 19:4 | ወበእተዝኪ፡ ወረዱ፡ መላእክት፡ ኀበ፡ ደቂቀ፡ ቃየን፡ ወኢቆሙ፡ አሐተ፡ ሰዓተ፡ ወነሥኡ፡ አንስትያ፡ ለርእሶሙ፡ ዘኃረዩ። | ወበእተዝኪ፡ ወረዱ፡ መላእክት፡ ኀበ፡ ደቂቀ፡ ቃየን፡ ወኢቆሙ፡ አሐተ፡ ሰዓተ፡ ወነሥኡ፡ አንስትያ፡ ለርእሶሙ፡ ዘኃረዩ። |
|---|
| 19:5 | ወበእንተዝ፡ ተዓምነ፡ እግዚአብሔር፡ ለነሂ፡ ወሎሙሂ፡ እስመ፡ ኅቡረ፡ ተማልዑነ፡ ውስተ፡ ስሒት፡ ምስሌሆሙ፡ በእንተ፡ ስሕተቶሙ። | ወበእንተዝ፡ ተዓምነ፡ እግዚአብሔር፡ ለነሂ፡ ወሎሙሂ፡ እስመ፡ ኅቡረ፡ ተማልዑነ፡ ውስተ፡ ስሒት፡ ምስሌሆሙ፡ በእንተ፡ ስሕተቶሙ። |
|---|
| 19:6 | ወዲያብሎስሂ፡ ተማልዖሙ፡ ለአቡነ፡ አዳም፡ ወለእምነ፡ ሔዋን፡ ውስተ፡ ስሕተተ፡ ዚአሁ፡ እንዘ፡ ይየውሆሙ፡ ወይቤሎሙ፡ ትከውኑ፡ አማልክተ፡ ከመ፡ እግዚአብሔር፡ ፈጣሪክሙ። | ወዲያብሎስሂ፡ ተማልዖሙ፡ ለአቡነ፡ አዳም፡ ወለእምነ፡ ሔዋን፡ ውስተ፡ ስሕተተ፡ ዚአሁ፡ እንዘ፡ ይየውሆሙ፡ ወይቤሎሙ፡ ትከውኑ፡ አማልክተ፡ ከመ፡ እግዚአብሔር፡ ፈጣሪክሙ። |
|---|
| 19:7 | ወእሙንቱሰ፡ በዕበደሙ፡ መሰሎሙ፡ አማነ፡ ወተዓደዉ፡ ትእዛዘ፡ ፈጣሪሆሙ፡ ዘአም፡ ጽኦሙ፡ እምኀበ፡ አልቦ፡ ውስተ፡ ሀለዎ፡ ከመ፡ ይሰግዱ፡ ወይሰብሑ፡ ለስሙ፡ ቅዱስ። | ወእሙንቱሰ፡ በዕበደሙ፡ መሰሎሙ፡ አማነ፡ ወተዓደዉ፡ ትእዛዘ፡ ፈጣሪሆሙ፡ ዘአም፡ ጽኦሙ፡ እምኀበ፡ አልቦ፡ ውስተ፡ ሀለዎ፡ ከመ፡ ይሰግዱ፡ ወይሰብሑ፡ ለስሙ፡ ቅዱስ። |
|---|
| 19:8 | ወለእሙንቱሰ፡ እለ፡ ረሰዩ፡ ሀብተ፡ እግዚአብሔር፡ ለርእሶሙ፡ ውእቶሙ፡ እግዚኦሙ፡ አኅሠሮሙ፡ ወለውእቱኒ፡ ዕቡይ። | ወለእሙንቱሰ፡ እለ፡ ረሰዩ፡ ሀብተ፡ እግዚአብሔር፡ ለርእሶሙ፡ ውእቶሙ፡ እግዚኦሙ፡ አኅሠሮሙ፡ ወለውእቱኒ፡ ዕቡይ። |
|---|
| 19:9 | በከመ፡ ይቤ፡ ዳዊት፡ በትዕቢቱ፡ ለኃጥእ፡ ይውዒ፡ ነዳይ፡ እስመ፡ በትዕቢቱ፡ ለዲያብሎስ፡ ተኰነነ፡ አዳም፡ በኵነኔ፡ ጽድቅ፡ በኀበ፡ እግዚአብሔር፡ አምላኩ። | በከመ፡ ይቤ፡ ዳዊት፡ በትዕቢቱ፡ ለኃጥእ፡ ይውዒ፡ ነዳይ፡ እስመ፡ በትዕቢቱ፡ ለዲያብሎስ፡ ተኰነነ፡ አዳም፡ በኵነኔ፡ ጽድቅ፡ በኀበ፡ እግዚአብሔር፡ አምላኩ። |
|---|
| 19:10 | ወከማሁ፡ መላእክትኒ፡ እለ፡ ስሕቱ፡ ኀበ፡ አዋልደ፡ ቃየል፡ ተማልዑነ፡ ውስተ፡ ስሕተቶሙ፡ ወበእንተዝ፡ ሐፀ፡ መዋዕሊነ፡ እመዋዕለ፡ አበዊነ፡ ዘወሀበነ፡ እግዚአብሔር። | ወከማሁ፡ መላእክትኒ፡ እለ፡ ስሕቱ፡ ኀበ፡ አዋልደ፡ ቃየል፡ ተማልዑነ፡ ውስተ፡ ስሕተቶሙ፡ ወበእንተዝ፡ ሐፀ፡ መዋዕሊነ፡ እመዋዕለ፡ አበዊነ፡ ዘወሀበነ፡ እግዚአብሔር። |
|---|
| 19:11 | ወእሙንቱሰ፡ ገብሩ፡ ሠናየ፡ ወአልቦ፡ እንተ፡ ኀበ፡ ይቀርቦሙ፡ እኩይ፡ እስመ፡ አፅንዑ፡ ልቦሙ፡ ኀበ፡ እግዚአብሔር፡ ወይሜህሩ፡ ውሉዶሙ፡ ወአዋልዲሆሙ፡ ከመ፡ ኢይት፡ ገሃሡ፡ እምትእዛዘ፡ እግዚአብሔር፡ ዘመሐርዎሙ። | ወእሙንቱሰ፡ ገብሩ፡ ሠናየ፡ ወአልቦ፡ እንተ፡ ኀበ፡ ይቀርቦሙ፡ እኩይ፡ እስመ፡ አፅንዑ፡ ልቦሙ፡ ኀበ፡ እግዚአብሔር፡ ወይሜህሩ፡ ውሉዶሙ፡ ወአዋልዲሆሙ፡ ከመ፡ ኢይት፡ ገሃሡ፡ እምትእዛዘ፡ እግዚአብሔር፡ ዘመሐርዎሙ። |
|---|
| 19:12 | ወለሊሆሙሰ፡ ለእመ፡ ገብሩ፡ ወኢነግሩ፡ ለደቂቆሙ፡ ወኢመሐርዎሙ፡ ወአልቦ፡ ዘይበቍዖሙ። | ወለሊሆሙሰ፡ ለእመ፡ ገብሩ፡ ወኢነግሩ፡ ለደቂቆሙ፡ ወኢመሐርዎሙ፡ ወአልቦ፡ ዘይበቍዖሙ። |
|---|
| 19:13 | በከመ፡ ይቤ፡ ዳዊይ፡ ወኢኃብኡ፡ እምደቂቆሙ፡ ለካልዕ፡ ትውልድ፡ ወነገሩ፡ ስብሐቲሁ፡ ለእግዚአብሔር፡ ኃይሎሂ፡ ወመንክሮሂ፡ ዘገብረ፡ በከመ፡ ለበዉ፡ እሙንቱ፡ ከመ፡ ይምሀሩ፡ ለደቂቆሙ፡ ከመ፡ ይለብዉ፡ ወይግበሩ፡ ወያማኅፅንዎሙ፡ ኩነኔሁ፡ ለእግዚአብሔር፡ ወከመ፡ ይዕቅቡ፡ ትእዛዞ፡ ከመ፡ አበዊሆሙ፡ እለ፡ አሥመርዎ፡ ለእግዚአብሔር፡ በሥነ፡ ምግባሮሙ። | በከመ፡ ይቤ፡ ዳዊይ፡ ወኢኃብኡ፡ እምደቂቆሙ፡ ለካልዕ፡ ትውልድ፡ ወነገሩ፡ ስብሐቲሁ፡ ለእግዚአብሔር፡ ኃይሎሂ፡ ወመንክሮሂ፡ ዘገብረ፡ በከመ፡ ለበዉ፡ እሙንቱ፡ ከመ፡ ይምሀሩ፡ ለደቂቆሙ፡ ከመ፡ ይለብዉ፡ ወይግበሩ፡ ወያማኅፅንዎሙ፡ ኩነኔሁ፡ ለእግዚአብሔር፡ ወከመ፡ ይዕቅቡ፡ ትእዛዞ፡ ከመ፡ አበዊሆሙ፡ እለ፡ አሥመርዎ፡ ለእግዚአብሔር፡ በሥነ፡ ምግባሮሙ። |
|---|
| 19:14 | ወኢኃደጉ፡ ትእዛዞ፡ ዘአመኅፀንዎሙ፡ አበዊሆሙ፡ አመ፡ ንዕሶሙ፡ ፈሪሃ፡ እግዚአብሔር፡ ወኵነኔሁ፡ በከመ፡ እሙንቱ፡ ተምህሩ፡ በኀበ፡ አበዊሆሙ። | ወኢኃደጉ፡ ትእዛዞ፡ ዘአመኅፀንዎሙ፡ አበዊሆሙ፡ አመ፡ ንዕሶሙ፡ ፈሪሃ፡ እግዚአብሔር፡ ወኵነኔሁ፡ በከመ፡ እሙንቱ፡ ተምህሩ፡ በኀበ፡ አበዊሆሙ። |
|---|
| 19:15 | ወውሉዶሙኒ፡ ተምህሩ፡ በኀበ፡ አበዊሆሙ፡ ከመ፡ ያሠንዩ፡ ግዕዞሙ፡ ወየሐዑ፡ ስብሐት፡ ለፈጣሪሆሙ፡ እስመ፡ ዓቀቡ፡ ትእዛዞ፡ ወአፍቀርዎ። | ወውሉዶሙኒ፡ ተምህሩ፡ በኀበ፡ አበዊሆሙ፡ ከመ፡ ያሠንዩ፡ ግዕዞሙ፡ ወየሐዑ፡ ስብሐት፡ ለፈጣሪሆሙ፡ እስመ፡ ዓቀቡ፡ ትእዛዞ፡ ወአፍቀርዎ። |
|---|
| 19:16 | ውእቱኒ፡ ይሰምዖሙ፡ ጸሎቶሙ፡ ወኢይትሔየይ፡ ለእለቶሙ፡ ወውእቱሰ፡ መሐሪ፡ ውእቱ። | ውእቱኒ፡ ይሰምዖሙ፡ ጸሎቶሙ፡ ወኢይትሔየይ፡ ለእለቶሙ፡ ወውእቱሰ፡ መሐሪ፡ ውእቱ። |
|---|
| 19:17 | በያበዝኅ፡ መይጠ፡ መዓቱ፡ ወኢያነድድ፡ በኵሉ፡ መቅሠፍቱ። | በያበዝኅ፡ መይጠ፡ መዓቱ፡ ወኢያነድድ፡ በኵሉ፡ መቅሠፍቱ። |
|---|