1 Meqabyan (Ethiopian)

1 Meqabyan (Ethiopian) 31 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

	Ge'ez Ge'ez Bible	Ge'ez Apocrypha
31:1	ነገሥትኒ፡ ኢይሠየሙ፡ ዘእንበለ፡ ፈቃድየ፡ ወምስኪናንኒ፡ ኢይነደዩ፡ ዘእንበለ፡ በትእዛዝየ፡ ወኃያላን፡ እይፀንዑ፡ ዘእንበለ፡ በፈቃድየ።	ነገሥትኒ፡ ኢይሠየሙ፡ ዘእንበለ፡ ፈቃድየ፡ ወምስኪናንኒ፡ ኢይነደዩ፡ ዘእንበለ፡ በትእዛዝየ፡ ወኃያላን፡ እይፀንዑ፡ ዘእንበለ፡ በፈቃድየ።
31:2	ወአነ፡ አሀብክዎ፡ ለዳዊት፡ ሞገሰ፡ ወጥበበ፡ ለሰሎሞን፡ ወአነ፡ ወሰክዎ፡ ዓመታተ፡ ለሕዝቅያስ።	ወአነ፡ አሀብክዎ፡ ለዳዊት፡ ሞገሰ፡ ወጥበበ፡ ለሰሎሞን፡ ወአነ፡ ወሰክዎ፡ ዓመታተ፡ ለሕዝቅያስ።
31:3	ወአነ፡ አሕፀዕኩ፡ መዋዕሊሁ፡ ለጎልያድ፡ ወአነ፡ ወሀብክዎ፡ ኃይለ፡ ለሶምሶን፡ ወካዕበ፡ አድከምኩ፡ ኃይሎ።	ወአነ፡ አሕፀዕኩ፡ መዋዕሊሁ፡ ለጎልያድ፡ ወአነ፡ ወሀብክዎ፡ ኃይለ፡ ለሶምሶን፡ ወካዕበ፡ አድከምኩ፡ ኃይሎ።
31:4	ወአድኀንክዎ፡ አነ፡ ለዳዊት፡ ገብርየ፡ እምእደ፡ ጎልያድ፡ ረአይታዊ።	ወአድኀንክዎ፡ አነ፡ ለዳዊት፡ ገብርየ፡ እምእደ፡ ጎልያድ፡ ረአይታዊ።
31:5	ወዓዲ፡ እምእደ፡ ሳኦል፡ ንጉሥ፡ ወዓዲ፡ እምእደ፡ ካልዑ፡ ረዓይታዊ፡ ዘይትቃወሞ፡ ወእምእደ፡ ኵሎሙ፡ እለ፡ ይትቃወምዎ፡ ወይትቃረንዎ፡ እስመ፡ ዓቀበ፡ ትእዛዝየ።	ወዓዲ፡ እምእደ፡ ሳኦል፡ ንጉሥ፡ ወዓዲ፡ እምእደ፡ ካልዑ፡ ረዓይታዊ፡ ዘይትቃወሞ፡ ወእምእደ፡ ኵሎሙ፡ እለ፡ ይትቃወምዎ፡ ወይትቃረንዎ፡ እስመ፡ ዓቀበ፡ ትእዛዝየ።
31:6	ወአነሂ፡ አፍቀርኩ፡ ኪያሁ፡ ወለኵሎሙ፡ እለ፡ የዓቅቡ፡ ትእዛዝየ፡ ነገሥት፡ ወመኳንንት፡ አነሂ፡ አፈቅሮሙ፡ ወእሁቦሙ፡ ኃይለ፡ ወመዊዓ፡ በላዕለ፡ ፀሮሙ። እስመ፡ ውእቶሙኒ፡ አስተፍሥሁኒ።	ወአነሂ፡ አፍቀርኩ፡ ኪያሁ፡ ወለኵሎሙ፡ እለ፡ የዓቅቡ፡ ትእዛዝየ፡ ነገሥት፡ ወመኳንንት፡ አነሂ፡ አፈቅሮሙ፡ ወእሁቦሙ፡ ኃይለ፡ ወመዊዓ፡ በላዕለ፡ ፀሮሙ። እስመ፡ ውእቶሙኒ፡ አስተፍሥሁኒ።
31:7	ወካዕበ፡ እሁቦሙ፡ ምድረ፡ ርስት፡ እንተ፡ መሐልኩ፡ ለአበዊሆሙ፡ ምድረ፡ ንጽሕተ፡ ወብርህተ፡ ከመ፡ ይትዋረሱ፡ ምድረ፡ አበዊሆሙ።	ወካዕበ፡ እሁቦሙ፡ ምድረ፡ ርስት፡ እንተ፡ መሐልኩ፡ ለአበዊሆሙ፡ ምድረ፡ ንጽሕተ፡ ወብርህተ፡ ከመ፡ ይትዋረሱ፡ ምድረ፡ አበዊሆሙ።

read Ge'ez alone read Ge'ez alone