| 33:1 | ወዓዲ፡ ሲሰይክዎሙ፡ መና፡ በገዳም፡ ኅብስተ፡ በከመ፡ ይቤ፡ ዳዊት፡ ወኅብስተ፡ መላእክቲሁ፡ በልዑ፡ እጓለ፡ እመሕያው። ወዘንተ፡ ኵሎ፡ ረሰይኩ፡ ሎሙ፡ ወከመ፡ ይምልኩኒ፡ በጽድቅ፡ ወበርትዕ። | ወዓዲ፡ ሲሰይክዎሙ፡ መና፡ በገዳም፡ ኅብስተ፡ በከመ፡ ይቤ፡ ዳዊት፡ ወኅብስተ፡ መላእክቲሁ፡ በልዑ፡ እጓለ፡ እመሕያው። ወዘንተ፡ ኵሎ፡ ረሰይኩ፡ ሎሙ፡ ወከመ፡ ይምልኩኒ፡ በጽድቅ፡ ወበርትዕ። |
|---|
| 33:2 | ወእሙንቱሰ፡ ኢያምልኩኒ፡ ወአነሂ፡ ተሐየይክዎሙ፡ ይቤ፡ እግዚአብሔር፡ ዘኵሎ፡ ይመልክ፡ ወአምዕዑኒ፡ ወሖሩ፡ በዘኢኮነ፡ ፍናወ፡ ዚአየ። | ወእሙንቱሰ፡ ኢያምልኩኒ፡ ወአነሂ፡ ተሐየይክዎሙ፡ ይቤ፡ እግዚአብሔር፡ ዘኵሎ፡ ይመልክ፡ ወአምዕዑኒ፡ ወሖሩ፡ በዘኢኮነ፡ ፍናወ፡ ዚአየ። |
|---|
| 33:3 | ወአነሂ፡ በከመ፡ ምግባሮሙ፡ እፈድዮሙ፡ ወበከመ፡ ግብረ፡ እደዊሆሙ፡ ተሐየይክዎሙ፡ እስመ፡ ተሐከዩ፡ አምልኮትየ፡ ወኢተዓገሡ፡ በሥርዓትየ፡ ወበምክርየ፡ ወአውርዶሙ፡ ውስተ፡ ኵነኔ፡ ደይን፡ ዘበሰማያት። | ወአነሂ፡ በከመ፡ ምግባሮሙ፡ እፈድዮሙ፡ ወበከመ፡ ግብረ፡ እደዊሆሙ፡ ተሐየይክዎሙ፡ እስመ፡ ተሐከዩ፡ አምልኮትየ፡ ወኢተዓገሡ፡ በሥርዓትየ፡ ወበምክርየ፡ ወአውርዶሙ፡ ውስተ፡ ኵነኔ፡ ደይን፡ ዘበሰማያት። |
|---|
| 33:4 | ወበምድርኒ፡ አሐፅፅ፡ መዋዕሊሆሙ፡ እስመ፡ ኢዓቀቡ፡ ትእዛዝየ፡ ወአነሂ፡ እትመዓዖሙ። | ወበምድርኒ፡ አሐፅፅ፡ መዋዕሊሆሙ፡ እስመ፡ ኢዓቀቡ፡ ትእዛዝየ፡ ወአነሂ፡ እትመዓዖሙ። |
|---|
| 33:5 | ወአንተኒ፡ ንጉሥ፡ አኮኑ፡ ሰብእ፡ አንተ፡ ዘትመውት፡ ወትማስን፡ ዘጌሠመ፡ ትከውን፡ ዕፄ፡ ወዕፄይያተ፡ ወሐመደ። | ወአንተኒ፡ ንጉሥ፡ አኮኑ፡ ሰብእ፡ አንተ፡ ዘትመውት፡ ወትማስን፡ ዘጌሠመ፡ ትከውን፡ ዕፄ፡ ወዕፄይያተ፡ ወሐመደ። |
|---|
| 33:6 | ወይእዜሰ፡ ትትሜካህ፡ ወትት፡ ዔበይ፡ ከመ፡ ዘኢይመውት፡ ለዓለም። | ወይእዜሰ፡ ትትሜካህ፡ ወትት፡ ዔበይ፡ ከመ፡ ዘኢይመውት፡ ለዓለም። |
|---|
| 33:7 | እንተሰኪ፡ ሰብእ፡ ዘይእዜ፡ ታስተርኢ፡ ሕያወ፡ ወጊሠመ፡ መዋቲ፡ ይቤ፡ እግዚአብሔር፡ ዘኵሎይመልክ። | እንተሰኪ፡ ሰብእ፡ ዘይእዜ፡ ታስተርኢ፡ ሕያወ፡ ወጊሠመ፡ መዋቲ፡ ይቤ፡ እግዚአብሔር፡ ዘኵሎይመልክ። |
|---|
| 33:8 | ወለእመሰ፡ ዓቀብከ፡ ቃልየ፡ ወትእዛዝየ፡ አውርሰከ፡ ሀገረ፡ ቅድስተ፡ ምስለ፡ እለ፡ ገብሩ፡ ፈቃድየ፡ ክቡራን፡ ነገሥት፡ እለ፡ ብሩህ፡ ማኅደሪሆሙ፡ ወሠናያን፡ አክሊላቲሆሙ፡ ወመናብርቲሆሙ፡ ዘወርቅ፡ ወዘብሩር፡ እለ፡ ርሱያን፡ እለ፡ ይነብሩ፡ ዲቤሆሙ። | ወለእመሰ፡ ዓቀብከ፡ ቃልየ፡ ወትእዛዝየ፡ አውርሰከ፡ ሀገረ፡ ቅድስተ፡ ምስለ፡ እለ፡ ገብሩ፡ ፈቃድየ፡ ክቡራን፡ ነገሥት፡ እለ፡ ብሩህ፡ ማኅደሪሆሙ፡ ወሠናያን፡ አክሊላቲሆሙ፡ ወመናብርቲሆሙ፡ ዘወርቅ፡ ወዘብሩር፡ እለ፡ ርሱያን፡ እለ፡ ይነብሩ፡ ዲቤሆሙ። |
|---|
| 33:9 | ወትትፌሥሁ፡ በውስተ፡ ሀገሩ፡ እንተ፡ ቅርብት፡ ማኅደር፡ ለገባርያነ፡ ሠናያት። | ወትትፌሥሁ፡ በውስተ፡ ሀገሩ፡ እንተ፡ ቅርብት፡ ማኅደር፡ ለገባርያነ፡ ሠናያት። |
|---|
| 33:10 | ወለገባርያነ፡ እኪትሰ፡ ኢይደልዖሙ፡ ይባዑ፡ ውስተ፡ ይእቲ፡ ሀገር፡ እንተ፡ ይበውኡ፡ ክቡራን፡ ነገሥት። | ወለገባርያነ፡ እኪትሰ፡ ኢይደልዖሙ፡ ይባዑ፡ ውስተ፡ ይእቲ፡ ሀገር፡ እንተ፡ ይበውኡ፡ ክቡራን፡ ነገሥት። |
|---|
| 33:11 | እስመ፡ ኢዓቀቡ፡ ቃልየ፡ ወሥርዓትየ፡ ይቤ፡ እግዚአብሔር፡ ዘኵሎ፡ ይመልክ። | እስመ፡ ኢዓቀቡ፡ ቃልየ፡ ወሥርዓትየ፡ ይቤ፡ እግዚአብሔር፡ ዘኵሎ፡ ይመልክ። |
|---|