Jubilees

Jubilees 42 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
42:1	ወበቀዳሚ ፡ ዓመት ፡ ዘሱባዔ ፡ ሣልስ ፡ ዘአርብዓ ፡ ወኀምስቱ ፡ ኢዮቤልው ፡ አኀዘ ፡ ዐባር ፡ ይምጻእ ፡ ውስተ ፡ ምድር ፡ ወአበየ ፡ ዝናም ፡ ተውህቦ ፡ ለምድር ፡ እስመ ፡ አልቦ ፡ ምንተኒ ፡ ዘይወርድ ፡ 2 ወዐብረት ፡ ምድር ።	ወበቀዳሚ ፡ ዓመት ፡ ዘሱባዔ ፡ ሣልስ ፡ ዘአርብዓ ፡ ወኀምስቱ ፡ ኢዮቤልው ፡ አኀዘ ፡ ዐባር ፡ ይምጻእ ፡ ውስተ ፡ ምድር ፡ ወአበየ ፡ ዝናም ፡ ተውህቦ ፡ ለምድር ፡ እስመ ፡ አልቦ ፡ ምንተኒ ፡ ዘይወርድ ፡ 2 ወዐብረት ፡ ምድር ።
42:3	ወመጽኡ ፡ ግብጽ ፡ ኀበ ፡ ዮሴፍ ፡ ከመ ፡ የሀቦሙ ፡ ሲሲተ ፡ ወከሠተ ፡ መዛግብተ ፡ ኀበ ፡ ሀሎ ፡ ሥርናይ ፡ ዘቀዳሚ ፡ ዓመት ፡ ወሤጠ ፡ ለአሕዛበ ፡ ምድር ፡ በወርቅ ።	ወመጽኡ ፡ ግብጽ ፡ ኀበ ፡ ዮሴፍ ፡ ከመ ፡ የሀቦሙ ፡ ሲሲተ ፡ ወከሠተ ፡ መዛግብተ ፡ ኀበ ፡ ሀሎ ፡ ሥርናይ ፡ ዘቀዳሚ ፡ ዓመት ፡ ወሤጠ ፡ ለአሕዛበ ፡ ምድር ፡ በወርቅ ።
42:4	ወሰምዐ ፡ ያዕቆብ ፡ ከመ ፡ ቦቱ ፡ ሲሲተ ፡ ውስተ ፡ ግብጽ ፡ ወፈነወ ፡ ዐሠርተ ፡ ደቆ ፡ ከመ ፡ ይንሥኡ ፡ ሎቱ ፡ ሲሲተ ፡ በግብጽ ፡ ወብንያምሃሰ ፡ ኢፈነወ ።	ወሰምዐ ፡ ያዕቆብ ፡ ከመ ፡ ቦቱ ፡ ሲሲተ ፡ ውስተ ፡ ግብጽ ፡ ወፈነወ ፡ ዐሠርተ ፡ ደቆ ፡ ከመ ፡ ይንሥኡ ፡ ሎቱ ፡ ሲሲተ ፡ በግብጽ ፡ ወብንያምሃሰ ፡ ኢፈነወ ።
42:5	ወአእመሮ ፡ ዮሴፍ ፡ ወእሙንቱሰ ፡ ኢያእመርዎ ።	ወአእመሮ ፡ ዮሴፍ ፡ ወእሙንቱሰ ፡ ኢያእመርዎ ።
42:6	ወእምዝ ፡ ፈትሖሙ ፡ ወአቀመ ፡ ስምዖንሃ ፡ ባሕቲቶ ፡ ወተስዐተ ፡ አኀዊሁ ፡ ፈነወ ፡ 7 ወመልአ ፡ አሕስሊሆሙ ፡ ሥርናየ ፡ ወወርቆሙሂ ፡ ወደየ ፡ ሎሙ ፡ ውስተ ፡ አሕስሊሆሙ ፡ ወኢያእመሩ ።	ወእምዝ ፡ ፈትሖሙ ፡ ወአቀመ ፡ ስምዖንሃ ፡ ባሕቲቶ ፡ ወተስዐተ ፡ አኀዊሁ ፡ ፈነወ ፡ 7 ወመልአ ፡ አሕስሊሆሙ ፡ ሥርናየ ፡ ወወርቆሙሂ ፡ ወደየ ፡ ሎሙ ፡ ውስተ ፡ አሕስሊሆሙ ፡ ወኢያእመሩ ።
42:8	ወአዘዞሙ ፡ ከመ ፡ ያምጽኡ ፡ እኅዋሆሙ ፡ ዘይንእስ ፡ እስመ ፡ ነገርዎ ፡ ከመ ፡ ሀሎ ፡ አቡሆሙ ፡ ሕያው ፡ ወእኁሆሙ ፡ ዘይንእስ ።	ወአዘዞሙ ፡ ከመ ፡ ያምጽኡ ፡ እኅዋሆሙ ፡ ዘይንእስ ፡ እስመ ፡ ነገርዎ ፡ ከመ ፡ ሀሎ ፡ አቡሆሙ ፡ ሕያው ፡ ወእኁሆሙ ፡ ዘይንእስ ።
42:9	ወዐርጉ ፡ እምድረ ፡ ግብጽ ፡ ወበጽሑ ፡ ምድረ ፡ ከናአን ፡ ወነገሩ ፡ ለአቡሆሙ ፡ ኵሎ ፡ ዘከመ ፡ ረከቦሙ ፡ ወእፎ ፡ ተናገረ ፡ ምስሌሆሙ ፡ መኰንነ ፡ ብሔር ፡ ዐጸብጺበ ፡ ወአኀዞ ፡ ለስምዖን ፡ እስከ ፡ ሶበ ፡ ያመጽእዎ ፡ ለብንያም ።	ወዐርጉ ፡ እምድረ ፡ ግብጽ ፡ ወበጽሑ ፡ ምድረ ፡ ከናአን ፡ ወነገሩ ፡ ለአቡሆሙ ፡ ኵሎ ፡ ዘከመ ፡ ረከቦሙ ፡ ወእፎ ፡ ተናገረ ፡ ምስሌሆሙ ፡ መኰንነ ፡ ብሔር ፡ ዐጸብጺበ ፡ ወአኀዞ ፡ ለስምዖን ፡ እስከ ፡ ሶበ ፡ ያመጽእዎ ፡ ለብንያም ።
42:10	ወይቤ ፡ ያዕቆብ ፡ አምከንክሙኒኬ ፡ ወዮሴፍኒ ፡ ኢሀሎ ፡ ወስምዖንሂ ፡ ኢሀሎ ፡ ወብንያምሃኒ ፡ ትነሥእዎ ፡ ላዕሌየኬ ፡ ኮነ ፡ እከይክሙ ።	ወይቤ ፡ ያዕቆብ ፡ አምከንክሙኒኬ ፡ ወዮሴፍኒ ፡ ኢሀሎ ፡ ወስምዖንሂ ፡ ኢሀሎ ፡ ወብንያምሃኒ ፡ ትነሥእዎ ፡ ላዕሌየኬ ፡ ኮነ ፡ እከይክሙ ።
42:11	ወይቤ ፡ ኢየሐውር ፡ ወልድየ ፡ ምስሌክሙ ፡ እመቦ ፡ ከመ ፡ ደወየ ።	ወይቤ ፡ ኢየሐውር ፡ ወልድየ ፡ ምስሌክሙ ፡ እመቦ ፡ ከመ ፡ ደወየ ።
42:12	እስመ ፡ ርእየ ፡ ከመ ፡ ገብአ ፡ ወርቆሙ ፡ ኵሉ ፡ በዕቈሪሁ ፡ ወበዝ ፡ ፈርሀ ፡ ፈንዎቶ ።	እስመ ፡ ርእየ ፡ ከመ ፡ ገብአ ፡ ወርቆሙ ፡ ኵሉ ፡ በዕቈሪሁ ፡ ወበዝ ፡ ፈርሀ ፡ ፈንዎቶ ።
42:13	ወዐባርኒ ፡ በዝኀ ፡ ወኀየለ ፡ በምድረ ፡ ከናአን ፡ ወበኵሉ ፡ ምድር ፡ ዘእንበለ ፡ ምድረ ፡ ግብጽ ።	ወዐባርኒ ፡ በዝኀ ፡ ወኀየለ ፡ በምድረ ፡ ከናአን ፡ ወበኵሉ ፡ ምድር ፡ ዘእንበለ ፡ ምድረ ፡ ግብጽ ።
42:14	ወተሴሰይዎ ፡ ሰብአ ፡ ግብጽ ፡ በቀዳሚ ፡ ዓመት ፡ ዘዐባር ።	ወተሴሰይዎ ፡ ሰብአ ፡ ግብጽ ፡ በቀዳሚ ፡ ዓመት ፡ ዘዐባር ።
42:15	ወሶበ ፡ ርእየ ፡ እስራኤል ፡ ከመ ፡ ኀየለ ፡ ጥቀ ፡ ዐባር ፡ ውስተ ፡ ምድር ፡ ወአልቦ ፡ ድኂነ ፡ ወይቤ ፡ ለውሉዱ ፡ ሖሩ ፡ ግብኡ ፡ ወንሥኡ ፡ ለነ ፡ ሲሲተ ፡ ኢንሙት ፡ 16 ወይቤሉ ፡ ኢነሐውር ፡ እመ ፡ ኢመጽአ ፡ እኁነ ፡ ዘይንእስ ፡ ምስሌነ ፡ ኢነሐውር ፡ 17 ወርእየ ፡ እስራኤል ፡ ከመ ፡ እመ ፡ ኢፈነዎ ፡ ምስሌሆሙ ፡ ይትሐጐሉ ፡ ኵሎሙ ፡ እምቅድመ ፡ ዐባር ።	ወሶበ ፡ ርእየ ፡ እስራኤል ፡ ከመ ፡ ኀየለ ፡ ጥቀ ፡ ዐባር ፡ ውስተ ፡ ምድር ፡ ወአልቦ ፡ ድኂነ ፡ ወይቤ ፡ ለውሉዱ ፡ ሖሩ ፡ ግብኡ ፡ ወንሥኡ ፡ ለነ ፡ ሲሲተ ፡ ኢንሙት ፡ 16 ወይቤሉ ፡ ኢነሐውር ፡ እመ ፡ ኢመጽአ ፡ እኁነ ፡ ዘይንእስ ፡ ምስሌነ ፡ ኢነሐውር ፡ 17 ወርእየ ፡ እስራኤል ፡ ከመ ፡ እመ ፡ ኢፈነዎ ፡ ምስሌሆሙ ፡ ይትሐጐሉ ፡ ኵሎሙ ፡ እምቅድመ ፡ ዐባር ።
42:18	ወይቤ ፡ ሮቤል ፡ ሀበንዮ ፡ ውስተ ፡ እዴየ ፡ ወለእመ ፡ ኢያግባእክዎ ፡ ለከ ፡ ቅትል ፡ ክልኤተ ፡ ውሉድየ ፡ ህየንተ ፡ ነፍሰ ፡ ዚአሁ ።	ወይቤ ፡ ሮቤል ፡ ሀበንዮ ፡ ውስተ ፡ እዴየ ፡ ወለእመ ፡ ኢያግባእክዎ ፡ ለከ ፡ ቅትል ፡ ክልኤተ ፡ ውሉድየ ፡ ህየንተ ፡ ነፍሰ ፡ ዚአሁ ።
42:19	ወቀርበ ፡ ይሁዳ ፡ ወይቤ ፡ ፈንዎ ፡ ምስሌነ ፡ ወለእመ ፡ ኢያግባእክዎ ፡ ለከ ፡ እቡሰ ፡ እኩን ፡ በቅድሜከ ፡ ኵሎ ፡ መዋዕለ ፡ ሕይወትየ ።	ወቀርበ ፡ ይሁዳ ፡ ወይቤ ፡ ፈንዎ ፡ ምስሌነ ፡ ወለእመ ፡ ኢያግባእክዎ ፡ ለከ ፡ እቡሰ ፡ እኩን ፡ በቅድሜከ ፡ ኵሎ ፡ መዋዕለ ፡ ሕይወትየ ።
42:20	ወፈነዎ ፡ ምስሌሆሙ ፡ በካልእ ፡ ዓመት ፡ ዘዝ ፡ ሱባዔ ፡ በሠርቀ ፡ ወርኅ ፡ ወበጽሑ ፡ ብሔረ ፡ ግብጽ ፡ ምስለ ፡ ኵሎሙ ፡ እለ ፡ የሐውሩ ፡ ወአምኃሆሙ ፡ ውስተ ፡ እደዊሆሙ ፡ ማየ ፡ ልብን ፡ ወከርካዕ ፡ ወጤሬቤንቶስ ፡ ወጸቃውዐ ፡ መዓር ።	ወፈነዎ ፡ ምስሌሆሙ ፡ በካልእ ፡ ዓመት ፡ ዘዝ ፡ ሱባዔ ፡ በሠርቀ ፡ ወርኅ ፡ ወበጽሑ ፡ ብሔረ ፡ ግብጽ ፡ ምስለ ፡ ኵሎሙ ፡ እለ ፡ የሐውሩ ፡ ወአምኃሆሙ ፡ ውስተ ፡ እደዊሆሙ ፡ ማየ ፡ ልብን ፡ ወከርካዕ ፡ ወጤሬቤንቶስ ፡ ወጸቃውዐ ፡ መዓር ።
42:21	ወበጽሑ ፡ ወቆሙ ፡ ቅድመ ፡ ዮሴፍ ፡ ወርእየ ፡ ብንያምሃ ፡ እኅዋሁ ፡ ወአእመሮ ፡ ወይቤሎሙ ፡ ዝኑ ፡ እኁክሙ ፡ ዘይንእስ ፡ ወይቤልዎ ፡ ውእቱ ።	ወበጽሑ ፡ ወቆሙ ፡ ቅድመ ፡ ዮሴፍ ፡ ወርእየ ፡ ብንያምሃ ፡ እኅዋሁ ፡ ወአእመሮ ፡ ወይቤሎሙ ፡ ዝኑ ፡ እኁክሙ ፡ ዘይንእስ ፡ ወይቤልዎ ፡ ውእቱ ።
42:22	ወፈነዎ ፡ ውስተ ፡ ቤቱ ፡ ወስምዖንሃኒ ፡ አውጽአ ፡ ሎሙ ።	ወፈነዎ ፡ ውስተ ፡ ቤቱ ፡ ወስምዖንሃኒ ፡ አውጽአ ፡ ሎሙ ።
42:23	ወበልዑ ፡ በቅድሜሁ ፡ ወወሀቦሙ ፡ ክፍለ ፡ ለኵሎሙ ፡ ወበዝኀ ፡ መክፈልተ ፡ ብንያም ፡ እመክፈልተ ፡ ኵሎሙ ፡ ትስብዕተ ።	ወበልዑ ፡ በቅድሜሁ ፡ ወወሀቦሙ ፡ ክፍለ ፡ ለኵሎሙ ፡ ወበዝኀ ፡ መክፈልተ ፡ ብንያም ፡ እመክፈልተ ፡ ኵሎሙ ፡ ትስብዕተ ።
42:24	ወበልዑ ፡ ወሰትዩ ፡ ወተንሥኡ ፡ ወኀደሩ ፡ ኀበ ፡ አእዱጊሆሙ ።	ወበልዑ ፡ ወሰትዩ ፡ ወተንሥኡ ፡ ወኀደሩ ፡ ኀበ ፡ አእዱጊሆሙ ።
42:25	ወኀለየ ፡ ዮሴፍ ፡ ኅሊና ፡ በዘ ፡ ያአምር ፡ ኅሊናሆሙ ፡ እመቦ ፡ ኅሊና ፡ ሰላም ፡ በበይናቲሆሙ ።	ወኀለየ ፡ ዮሴፍ ፡ ኅሊና ፡ በዘ ፡ ያአምር ፡ ኅሊናሆሙ ፡ እመቦ ፡ ኅሊና ፡ ሰላም ፡ በበይናቲሆሙ ።