禧年書 第 5 章｜2 種原文並排

ወኮነ ፡ አመ ፡ ወጠኑ ፡ ደቂቀ ፡ እጓለ ፡ እመሕያው ፡ ይብዝኁ ፡ ዲበ ፡ ገጸ ፡ ኵላ ፡ ምድር ፡ ወአዋልድ ፡ ተወልዳ ፡ ሎሙ ።

ወኮነ ፡ አመ ፡ ወጠኑ ፡ ደቂቀ ፡ እጓለ ፡ እመሕያው ፡ ይብዝኁ ፡ ዲበ ፡ ገጸ ፡ ኵላ ፡ ምድር ፡ ወአዋልድ ፡ ተወልዳ ፡ ሎሙ ።

ወልህቀት ፡ ዐመፃ ፡ ዲበ ፡ ምድር ፡ ወኵሉ ፡ ዘሥጋ ፡ አማሰነት ፡ ፍኖታ ፡ እምሰብእ ፡ እስከ ፡ እንስሳ ፡ ወእስከ ፡ አራዊት ፡ ወእስከ ፡ አዕዋፍ ፡ ወእስከ ፡ ኵሉ ፡ ዘያንሶሱ ፡ ውስተ ፡ ምድር ፡ ኵሎሙ ፡ አማሰኑ ፡ ፍኖቶሙ ፡ ወሥርዓቶሙ ።

ወልህቀት ፡ ዐመፃ ፡ ዲበ ፡ ምድር ፡ ወኵሉ ፡ ዘሥጋ ፡ አማሰነት ፡ ፍኖታ ፡ እምሰብእ ፡ እስከ ፡ እንስሳ ፡ ወእስከ ፡ አራዊት ፡ ወእስከ ፡ አዕዋፍ ፡ ወእስከ ፡ ኵሉ ፡ ዘያንሶሱ ፡ ውስተ ፡ ምድር ፡ ኵሎሙ ፡ አማሰኑ ፡ ፍኖቶሙ ፡ ወሥርዓቶሙ ።

ወርእያ ፡ እግዚአብሔር ፡ ለምድር ፡ ወናሁ ፡ ማሰነት ፡ ወአማሰነት ፡ ኵላ ፡ ዘሥጋ ፡ ሥርዓታ ፡ ወአእከዩ ፡ ኵሎሙ ፡ ቅድመ ፡ አዕይንቲሁ ፡ ኩሉ ፡ ዘሀሎ ፡ ውስተ ፡ ምድር ።

ወርእያ ፡ እግዚአብሔር ፡ ለምድር ፡ ወናሁ ፡ ማሰነት ፡ ወአማሰነት ፡ ኵላ ፡ ዘሥጋ ፡ ሥርዓታ ፡ ወአእከዩ ፡ ኵሎሙ ፡ ቅድመ ፡ አዕይንቲሁ ፡ ኩሉ ፡ ዘሀሎ ፡ ውስተ ፡ ምድር ።

ወይቤ ፡ ይደመስሶ ፡ ለሰብእ ፡ ወኵሉ ፡ ዘሥጋ ፡ ዘመልዕልተ ፡ ገጸ ፡ ምድር ፡ ዘፈጠረ ።

ወይቤ ፡ ይደመስሶ ፡ ለሰብእ ፡ ወኵሉ ፡ ዘሥጋ ፡ ዘመልዕልተ ፡ ገጸ ፡ ምድር ፡ ዘፈጠረ ።

ወኖኅ ፡ ባሕቲቱ ፡ ረከበ ፡ ሞገሰ ፡ በቅድመ ፡ አዕይንቲሁ ።

ወኖኅ ፡ ባሕቲቱ ፡ ረከበ ፡ ሞገሰ ፡ በቅድመ ፡ አዕይንቲሁ ።

ወዲበ ፡ መላእክቲሁ ፡ እለ ፡ ፈነወ ፡ ውስተ ፡ ምድር ፡ ተምዐ ፡ ፈድፋደ ፡ ይሠርዎሙ ፡ እምኵሉ ፡ ሥልጣኖሙ ።

ወዲበ ፡ መላእክቲሁ ፡ እለ ፡ ፈነወ ፡ ውስተ ፡ ምድር ፡ ተምዐ ፡ ፈድፋደ ፡ ይሠርዎሙ ፡ እምኵሉ ፡ ሥልጣኖሙ ።

ወዲበ ፡ ውሉዶሙ ፡ ወፅአ ፡ ቃል ፡ እምቅድመ ፡ ገጹ ፡ ከመ ፡ ይምሐፆሙ ፡ በሰይፍ ፡ ወያሰስሎሙ ፡ እምታሕተ ፡ ሰማይ ፡ 8 ወይቤ ፡ ኢይነብር ፡ መንፈስየ ፡ ዲበ ፡ ሰብእ ፡ ለዓለም ፡ እስመ ፡ እሙንቱ ፡ ሥጋ ፡ ወይኩን ፡ መዋዕሊሆሙ ፡ ምእት ፡ ወዕሥራ ፡ ዓመት ።

ወዲበ ፡ ውሉዶሙ ፡ ወፅአ ፡ ቃል ፡ እምቅድመ ፡ ገጹ ፡ ከመ ፡ ይምሐፆሙ ፡ በሰይፍ ፡ ወያሰስሎሙ ፡ እምታሕተ ፡ ሰማይ ፡ 8 ወይቤ ፡ ኢይነብር ፡ መንፈስየ ፡ ዲበ ፡ ሰብእ ፡ ለዓለም ፡ እስመ ፡ እሙንቱ ፡ ሥጋ ፡ ወይኩን ፡ መዋዕሊሆሙ ፡ ምእት ፡ ወዕሥራ ፡ ዓመት ።

ወፈነወ ፡ ሰይፎ ፡ ማእከሎሙ ፡ ከመ ፡ ይቅትሉ ፡ አሐዱ ፡ ቢጾሙ ።

ወፈነወ ፡ ሰይፎ ፡ ማእከሎሙ ፡ ከመ ፡ ይቅትሉ ፡ አሐዱ ፡ ቢጾሙ ።

ወአበዊሆሙሰ ፡ ይኔጽሩ ፡ ወእምድኅረዝ ፡ ተአስሩ ፡ ውስተ ፡ መዓምቅቲሃ ፡ ለምድር ፡ እስከ ፡ ዕለተ ፡ ደይን ፡ ዐባይ ፡ ለከዊነ ፡ ኵነኔ ፡ ዲበ ፡ ኵሎሙ ፡ እለ ፡ አማሰኑ ፡ ፍናዊሆሙ ፡ ወምግባሪሆሙ ፡ ቅድመ ፡ እግዚአብሔር ።

ወአበዊሆሙሰ ፡ ይኔጽሩ ፡ ወእምድኅረዝ ፡ ተአስሩ ፡ ውስተ ፡ መዓምቅቲሃ ፡ ለምድር ፡ እስከ ፡ ዕለተ ፡ ደይን ፡ ዐባይ ፡ ለከዊነ ፡ ኵነኔ ፡ ዲበ ፡ ኵሎሙ ፡ እለ ፡ አማሰኑ ፡ ፍናዊሆሙ ፡ ወምግባሪሆሙ ፡ ቅድመ ፡ እግዚአብሔር ።

ወደምሰሰ ፡ ኵሎ ፡ እመካኖሙ ፡ ወኢተርፈ ፡ አሐዱ ፡ እምኔሆሙ ፡ ዘኢኰነነ ፡ በኵሉ ፡ እከዮሙ ፡

ወደምሰሰ ፡ ኵሎ ፡ እመካኖሙ ፡ ወኢተርፈ ፡ አሐዱ ፡ እምኔሆሙ ፡ ዘኢኰነነ ፡ በኵሉ ፡ እከዮሙ ፡

ወገብረ ፡ ለኵሉ ፡ ግብሩ ፡ ፍጥረተ ፡ ሐዳሰ ፡ ወጻድቅተ ፡ ከመ ፡ ኢየአብሱ ፡ በኵሉ ፡ ፍጥረቶሙ ፡ እስከ ፡ ለዓለም ።

ወገብረ ፡ ለኵሉ ፡ ግብሩ ፡ ፍጥረተ ፡ ሐዳሰ ፡ ወጻድቅተ ፡ ከመ ፡ ኢየአብሱ ፡ በኵሉ ፡ ፍጥረቶሙ ፡ እስከ ፡ ለዓለም ።

ወኵነኔ ፡ ኵሎሙ ፡ ተሠርዐ ፡ ወተጽሕፈ ፡ ውስተ ፡ ጽላተ ፡ ሰማይ ፡ ወአልቦ ፡ ዐመፃ ።

ወኵነኔ ፡ ኵሎሙ ፡ ተሠርዐ ፡ ወተጽሕፈ ፡ ውስተ ፡ ጽላተ ፡ ሰማይ ፡ ወአልቦ ፡ ዐመፃ ።

ወአልቦ ፡ ምንተኒ ፡ ዘበሰማይ ፡ ወዘበምድር ፡ ወውስተ ፡ ብርሃን ፡ ወውስተ ፡ ጽልመት ፡ ወበሲኦል ፡ ወውስተ ፡ ቀላይ ።

ወአልቦ ፡ ምንተኒ ፡ ዘበሰማይ ፡ ወዘበምድር ፡ ወውስተ ፡ ብርሃን ፡ ወውስተ ፡ ጽልመት ፡ ወበሲኦል ፡ ወውስተ ፡ ቀላይ ።

በእንተ ፡ ኵሉ ፡ ለዐቢይ ፡ በከመ ፡ ዕበዩ ፡ ወለንኡስሂ ፡ በከመ ፡ ንእሱ ፡ ወለለ ፡ አሐዱ ፡ በከመ ፡ ፍኖቱ ፡ ይኴንኖ ።

በእንተ ፡ ኵሉ ፡ ለዐቢይ ፡ በከመ ፡ ዕበዩ ፡ ወለንኡስሂ ፡ በከመ ፡ ንእሱ ፡ ወለለ ፡ አሐዱ ፡ በከመ ፡ ፍኖቱ ፡ ይኴንኖ ።

ወኢኮነ ፡ ውእቱ ፡ ዘይነሥእ ፡ ገጸ ፡ ወኢኮነ ፡ ውእቱ ፡ ዘይነሥእ ፡ ሕልያነ ፡ እመ ፡ ይቤ ፡ ይግበር ፡ ኵነኔ ፡ ለለ ፡ አሐዱ ፡ ወአሐዱ ፡ እመ ፡ ወሀበ ፡ ኵሎ ፡ ዘውስተ ፡ ምድር ፡ ኢይነሥእ ፡ ገጸ ፡ ወኢይትሜጠው ፡ እምኔሁ ፡ እስመ ፡ መኰንነ ፡ ጽድቅ ፡ ውእቱ ።

ወኢኮነ ፡ ውእቱ ፡ ዘይነሥእ ፡ ገጸ ፡ ወኢኮነ ፡ ውእቱ ፡ ዘይነሥእ ፡ ሕልያነ ፡ እመ ፡ ይቤ ፡ ይግበር ፡ ኵነኔ ፡ ለለ ፡ አሐዱ ፡ ወአሐዱ ፡ እመ ፡ ወሀበ ፡ ኵሎ ፡ ዘውስተ ፡ ምድር ፡ ኢይነሥእ ፡ ገጸ ፡ ወኢይትሜጠው ፡ እምኔሁ ፡ እስመ ፡ መኰንነ ፡ ጽድቅ ፡ ውእቱ ።

ወዲበ ፡ ደቂቀ ፡ እስራኤል ፡ ተጽሕፈ ፡ ወተሠርዐ ፡ እመ ፡ ተመይጡ ፡ ኀቤሁ ፡ በጽድቅ ፡ የኀድግ ፡ ኵሎ ፡ አበሳሆሙ ፡ ወይሰሪ ፡ ኵሎ ፡ ኀጢአቶሙ ፡ 18 ተጽሕፈ ፡ ወተሠርዐ ፡ ይትመሐር ፡ ለኵሉ ፡ እለ ፡ ይትመየጡ ፡ እምኵሉ ፡ ጌጋዮሙ ።

ወዲበ ፡ ደቂቀ ፡ እስራኤል ፡ ተጽሕፈ ፡ ወተሠርዐ ፡ እመ ፡ ተመይጡ ፡ ኀቤሁ ፡ በጽድቅ ፡ የኀድግ ፡ ኵሎ ፡ አበሳሆሙ ፡ ወይሰሪ ፡ ኵሎ ፡ ኀጢአቶሙ ፡ 18 ተጽሕፈ ፡ ወተሠርዐ ፡ ይትመሐር ፡ ለኵሉ ፡ እለ ፡ ይትመየጡ ፡ እምኵሉ ፡ ጌጋዮሙ ።

ወዲበ ፡ ኵሎሙ ፡ እለ ፡ አማሰኑ ፡ ፍናዊሆሙ ፡ ወምክሮሙ ፡ እምቅድመ ፡ አይኅ ፡ ኢተንሥአ ፡ ገጾሙ ፡ ዘእንበለ ፡ ለኖኅ ፡ ባሕቲቱ ፡ እስመ ፡ ተንሥአ ፡ ሎቱ ፡ ገጹ ፡ በእንተ ፡ ውሉዱ ፡ እለ ፡ አድኀኖሙ ፡ እምነ ፡ ማየ ፡ አይኅ ፡ በእንቲአሁ ፡ እስመ ፡ ጻድቅት ፡ ይእቲ ፡ ልቡ ፡ በኵሉ ፡ ፍናዊሁ ።

ወዲበ ፡ ኵሎሙ ፡ እለ ፡ አማሰኑ ፡ ፍናዊሆሙ ፡ ወምክሮሙ ፡ እምቅድመ ፡ አይኅ ፡ ኢተንሥአ ፡ ገጾሙ ፡ ዘእንበለ ፡ ለኖኅ ፡ ባሕቲቱ ፡ እስመ ፡ ተንሥአ ፡ ሎቱ ፡ ገጹ ፡ በእንተ ፡ ውሉዱ ፡ እለ ፡ አድኀኖሙ ፡ እምነ ፡ ማየ ፡ አይኅ ፡ በእንቲአሁ ፡ እስመ ፡ ጻድቅት ፡ ይእቲ ፡ ልቡ ፡ በኵሉ ፡ ፍናዊሁ ።

ወይቤ ፡ እግዚአብሔር ፡ ይደመስስ ፡ ኵሉ ፡ ዘዲበ ፡ የብስ ፡ እምሰብእ ፡ እስከ ፡ እንስሳ ፡ እስከ ፡ አራዊት ፡ ወእስከ ፡ አዕዋፍ ፡ ወእስከ ፡ ዘይትሐወስ ፡ ዲበ ፡ ምድር ።

ወይቤ ፡ እግዚአብሔር ፡ ይደመስስ ፡ ኵሉ ፡ ዘዲበ ፡ የብስ ፡ እምሰብእ ፡ እስከ ፡ እንስሳ ፡ እስከ ፡ አራዊት ፡ ወእስከ ፡ አዕዋፍ ፡ ወእስከ ፡ ዘይትሐወስ ፡ ዲበ ፡ ምድር ።

ወአዘዞ ፡ ለኖኅ ፡ ይግበር ፡ ሎቱ ፡ ታቦተ ፡ ከመ ፡ ያድኅኖ ፡ እምነ ፡ ማየ ፡ አይኅ ።

ወአዘዞ ፡ ለኖኅ ፡ ይግበር ፡ ሎቱ ፡ ታቦተ ፡ ከመ ፡ ያድኅኖ ፡ እምነ ፡ ማየ ፡ አይኅ ።

ወገብረ ፡ ኖኅ ፡ ታቦተ ፡ በኵሉ ፡ በከመ ፡ አዘዞ ፡ በክልኤቱ ፡ ኢዮቤልዉ ፡ ዓመታት ፡ በኃምስ ፡ ሱባዔ ፡ በኃምስ ፡ ዓመቱ ።

ወገብረ ፡ ኖኅ ፡ ታቦተ ፡ በኵሉ ፡ በከመ ፡ አዘዞ ፡ በክልኤቱ ፡ ኢዮቤልዉ ፡ ዓመታት ፡ በኃምስ ፡ ሱባዔ ፡ በኃምስ ፡ ዓመቱ ።

ወቦአ ፡ በሳድስ ፡ ሎቱ ፡ በካልእ ፡ ወርኅ ፡ በሠርቁ ፡ ለካልእ ፡ ወርኅ ፡ እስከ ፡ አመ ፡ ዐሡሩ ፡ ወሰዱሱ ፡ ቦአ ፡ ውእቱ ፡ ወኵሉ ፡ ዘአባእነ ፡ ሎቱ ፡ ወስተ ፡ ታቦት ።

ወቦአ ፡ በሳድስ ፡ ሎቱ ፡ በካልእ ፡ ወርኅ ፡ በሠርቁ ፡ ለካልእ ፡ ወርኅ ፡ እስከ ፡ አመ ፡ ዐሡሩ ፡ ወሰዱሱ ፡ ቦአ ፡ ውእቱ ፡ ወኵሉ ፡ ዘአባእነ ፡ ሎቱ ፡ ወስተ ፡ ታቦት ።

ወአርኀወ ፡ እግዚአብሔር ፡ ሰብዓተ ፡ መንበሕባሕተ ፡ ሰማይ ፡ ወአፈወ ፡ አንቅዕተ ፡ ቀላይ ፡ ዐቢይ ፡ በሰብዑ ፡ አፈው ፡ በኆልቍ ።

ወአርኀወ ፡ እግዚአብሔር ፡ ሰብዓተ ፡ መንበሕባሕተ ፡ ሰማይ ፡ ወአፈወ ፡ አንቅዕተ ፡ ቀላይ ፡ ዐቢይ ፡ በሰብዑ ፡ አፈው ፡ በኆልቍ ።

ወአኀዙ ፡ መንበሕባሕት ፡ ያውርዱ ፡ ማየ ፡ እምሰማይ ፡ አርብዓ ፡ መዋዕለ ፡ ወአርብዓ ፡ ለያልየ ።

ወአኀዙ ፡ መንበሕባሕት ፡ ያውርዱ ፡ ማየ ፡ እምሰማይ ፡ አርብዓ ፡ መዋዕለ ፡ ወአርብዓ ፡ ለያልየ ።

ወልህቅ ፡ ማያት ፡ ዲበ ፡ ምድር ፡ ዐሠርተ ፡ ወኃምስተ ፡ በእመት ፡ ተለዐለ ፡ ማያት ፡ ዲበ ፡ ኵሉ ፡ ደብር ፡ ነዋኅ ፡ ወተለዐለት ፡ ታቦት ፡ እምዲበ ፡ ምድር ፡ ወታንሶሱ ፡ ዲበ ፡ ገጸ ፡ ማያት ።

ወልህቅ ፡ ማያት ፡ ዲበ ፡ ምድር ፡ ዐሠርተ ፡ ወኃምስተ ፡ በእመት ፡ ተለዐለ ፡ ማያት ፡ ዲበ ፡ ኵሉ ፡ ደብር ፡ ነዋኅ ፡ ወተለዐለት ፡ ታቦት ፡ እምዲበ ፡ ምድር ፡ ወታንሶሱ ፡ ዲበ ፡ ገጸ ፡ ማያት ።

ወሀሎ ፡ ማያት ። ወሀሎ ፡ ማያት ፡ ይቀውም ፡ ዲበ ፡ ገጸ ፡ ምድር ፡ ኃምስተ ፡ አውራኀ ፡ ምእተ ፡ ወኃምሳ ፡ ዕለተ ፡

ወሀሎ ፡ ማያት ። ወሀሎ ፡ ማያት ፡ ይቀውም ፡ ዲበ ፡ ገጸ ፡ ምድር ፡ ኃምስተ ፡ አውራኀ ፡ ምእተ ፡ ወኃምሳ ፡ ዕለተ ፡

ወሖረት ፡ ታቦት ፡ ወአዕረፈት ፡ ዲበ ፡ ርእሰ ፡ ሉባር ፡ አሐዱ ፡ እምአድባር ፡ አራራት ።

ወሖረት ፡ ታቦት ፡ ወአዕረፈት ፡ ዲበ ፡ ርእሰ ፡ ሉባር ፡ አሐዱ ፡ እምአድባር ፡ አራራት ።

ወበወርኅ ፡ ራብዕ ፡ ተፈጸመ ፡ አንቅዕተ ፡ ቀላይ ፡ ዐቢይ ፡ ወመንበሕባሕተ ፡ ሰማይኒ ፡ ተእኅዘ ።

ወበወርኅ ፡ ራብዕ ፡ ተፈጸመ ፡ አንቅዕተ ፡ ቀላይ ፡ ዐቢይ ፡ ወመንበሕባሕተ ፡ ሰማይኒ ፡ ተእኅዘ ።

ወበሠርቀ ፡ ወርኅ ፡ ዓሥር ፡ አስተርአየ ፡ አርእስተ ፡ አድባር ።

ወበሠርቀ ፡ ወርኅ ፡ ዓሥር ፡ አስተርአየ ፡ አርእስተ ፡ አድባር ።

ወነጸፈ ፡ ማያት ፡ እመልዕልተ ፡ ምድር ።

ወነጸፈ ፡ ማያት ፡ እመልዕልተ ፡ ምድር ።

ወአመ ፡ ዕሥራ ፡ ወሰቡዑ ፡ ሎቱ ፡ አርኀዋ ፡ ለታቦት ፡ ወፈነወ ፡ እምውስቴታ ፡ አራዊተ ፡ ወአዕዋፈ ፡ ወዘይትሐወስ ።

ወአመ ፡ ዕሥራ ፡ ወሰቡዑ ፡ ሎቱ ፡ አርኀዋ ፡ ለታቦት ፡ ወፈነወ ፡ እምውስቴታ ፡ አራዊተ ፡ ወአዕዋፈ ፡ ወዘይትሐወስ ።