1 Enoch

1 Enoch 86 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

	Ge'ez Ge'ez Bible	Ge'ez Apocrypha
86:1	ወካዕበ፡ ርኢኩ፡ በአዕይንትየ፡ እንዘ፡ እነውም፡ ወርኢኩ፡ ሰማየ፡ መልዕልተ፡ ወነዋ፡ አሐዱ፡ ኮከብ፡ ወድቀ፡ እምሰማይ፡ ወይትሌዐል፡ ወይበልዕ፡ ወይትረአይ፡ ማእከለ፡ እልኩ፡ አልሕምት።	ወካዕበ፡ ርኢኩ፡ በአዕይንትየ፡ እንዘ፡ እነውም፡ ወርኢኩ፡ ሰማየ፡ መልዕልተ፡ ወነዋ፡ አሐዱ፡ ኮከብ፡ ወድቀ፡ እምሰማይ፡ ወይትሌዐል፡ ወይበልዕ፡ ወይትረአይ፡ ማእከለ፡ እልኩ፡ አልሕምት።
86:2	ወእም፡ ዝ፡ ርኢኩ፡ አልሕምተ፡ ዐቢያነ፡ ወጸሊማነ፡ ወናሁ፡ ኵሎሙ፡ ወለጡ፡ ምዕያሞሙ፡ ወምርአዮሙ፡ ወእምጣዕዋሆሙ፡ ወአኀዙ፡ የዐውይዉ፡ አሐዱ፡ ምስለ፡ ካልኡ።	ወእም፡ ዝ፡ ርኢኩ፡ አልሕምተ፡ ዐቢያነ፡ ወጸሊማነ፡ ወናሁ፡ ኵሎሙ፡ ወለጡ፡ ምዕያሞሙ፡ ወምርአዮሙ፡ ወእምጣዕዋሆሙ፡ ወአኀዙ፡ የዐውይዉ፡ አሐዱ፡ ምስለ፡ ካልኡ።
86:3	ወካዕበ፡ ርኢኩ፡ በራእይ፡ ወነጸርክዎ፡ ለሰማይ፡ ወነዋ፡ ርኢኩ፡ ከዋክብተ፡ ብዙኃነ፡ ወወረዱ፡ ወተገድፉ፡ እምሰማይ፡ ኀበ፡ ዝኩ፡ ኮከብ፡ ቀዳማዊ፡ ወማእከለ፡ እልኩ፡ ጣዕዋ፡ ወአልሕምተ፡ ኮኑ፡ ምስሌሆሙ፡ ይትረአዩ፡ ማእከሎሙ።	ወካዕበ፡ ርኢኩ፡ በራእይ፡ ወነጸርክዎ፡ ለሰማይ፡ ወነዋ፡ ርኢኩ፡ ከዋክብተ፡ ብዙኃነ፡ ወወረዱ፡ ወተገድፉ፡ እምሰማይ፡ ኀበ፡ ዝኩ፡ ኮከብ፡ ቀዳማዊ፡ ወማእከለ፡ እልኩ፡ ጣዕዋ፡ ወአልሕምተ፡ ኮኑ፡ ምስሌሆሙ፡ ይትረአዩ፡ ማእከሎሙ።
86:4	ወነጸርክዎሙ፡ ወነዋ፡ ኵሎሙ፡ አውፅኡ፡ ኀፍረታቲሆሙ፡ ከመ፡ አፍራስ፡ ወአኀዙ፡ ይዕርጉ፡ ዲበ፡ ዕጓላተ፡ አልሕምት፡ ወፀንሳ፡ ኵሎን፡ ወወለዳ፡ ነጌያተ፡ ወአግማለ፡ ወአእዱገ።	ወነጸርክዎሙ፡ ወነዋ፡ ኵሎሙ፡ አውፅኡ፡ ኀፍረታቲሆሙ፡ ከመ፡ አፍራስ፡ ወአኀዙ፡ ይዕርጉ፡ ዲበ፡ ዕጓላተ፡ አልሕምት፡ ወፀንሳ፡ ኵሎን፡ ወወለዳ፡ ነጌያተ፡ ወአግማለ፡ ወአእዱገ።
86:5	ወኵሎሙ፡ አልሕምት፡ ፈርህዎሙ፡ ወደንገፁ፡ እምኔሆሙ፡ ወአኀዙ፡ እንዘ፡ ይኔዝሩ፡ በስነኒሆሙ፡ ወይውኅጡ፡ ወይወግኡ፡ በአቅርንቲሆሙ።	ወኵሎሙ፡ አልሕምት፡ ፈርህዎሙ፡ ወደንገፁ፡ እምኔሆሙ፡ ወአኀዙ፡ እንዘ፡ ይኔዝሩ፡ በስነኒሆሙ፡ ወይውኅጡ፡ ወይወግኡ፡ በአቅርንቲሆሙ።
86:6	ወአኀዙ፡ እንከ፡ ይበልዕዎሙ፡ ለእልኩ፡ አልሕምት፡ ወነዋ፡ ኵሎሙ፡ ውሉደ፡ ምድር፡ አኀዙ፡ ይርዓዱ፡ ወያድለቀልቁ፡ እምኔሆሙ፡ ወይንፍጹ።	ወአኀዙ፡ እንከ፡ ይበልዕዎሙ፡ ለእልኩ፡ አልሕምት፡ ወነዋ፡ ኵሎሙ፡ ውሉደ፡ ምድር፡ አኀዙ፡ ይርዓዱ፡ ወያድለቀልቁ፡ እምኔሆሙ፡ ወይንፍጹ።

read Ge'ez alone read Ge'ez alone