詩篇第 6 章

拉丁文原文．11 節．部分字詞可點開查義

📖 這一章另有 3 種原文 —— 並排對照（希伯來文舊約、七十士譯本、吉茲文聖經）

6:0

In finem, in carminibus. Psalmus David. Pro octava.

6:1

Domine, ne in furore tuo arguas me, neque in ira tua corripias me.

6:2

Miserere mei, Domine, quoniam infirmus sum ; sana me, Domine, quoniam conturbata sunt ossa mea.

6:3

Et anima mea turbata est valde ; sed tu, Domine, usquequo ?

6:4

Convertere, Domine, et eripe animam meam ; salvum me fac propter misericordiam tuam.

6:5

Quoniam non est in morte qui memor sit tui ; in inferno autem quis confitebitur tibi ?

6:6

Laboravi in gemitu meo ; lavabo per singulas noctes lectum meum : lacrimis meis stratum meum rigabo.

6:7

Turbatus est a furore oculus meus ; inveteravi inter omnes inimicos meos.

6:8

Discedite a me omnes qui operamini iniquitatem, quoniam exaudivit Dominus vocem fletus mei.

6:9

Exaudivit Dominus deprecationem meam ; Dominus orationem meam suscepit.

6:10

Erubescant, et conturbentur vehementer, omnes inimici mei ; convertantur, et erubescant valde velociter.

詩篇 第 6 章