詩篇第 76 章

拉丁文原文．13 節．部分字詞可點開查義

📖 這一章另有 3 種原文 —— 並排對照（希伯來文舊約、七十士譯本、吉茲文聖經）

76:0

In finem, in laudibus. Psalmus Asaph, canticum ad Assyrios.

76:1

Notus in Judaea Deus ; in Israël magnum nomen ejus.

76:2

Et factus est in pace locus ejus, et habitatio ejus in Sion.

76:3

Ibi confregit potentias arcuum, scutum, gladium, et bellum.

76:4

Illuminans tu mirabiliter a montibus aeternis ;

76:5

turbati sunt omnes insipientes corde. Dormierunt somnum suum, et nihil invenerunt omnes viri divitiarum in manibus suis.

76:6

Ab increpatione tua, Deus Jacob, dormitaverunt qui ascenderunt equos.

76:7

Tu terribilis es ; et quis resistet tibi ? ex tunc ira tua.

76:8

De caelo auditum fecisti judicium : terra tremuit et quievit

76:9

cum exsurgeret in judicium Deus, ut salvos faceret omnes mansuetos terrae.

76:10

Quoniam cogitatio hominis confitebitur tibi, et reliquiae cogitationis diem festum agent tibi.

76:11

Vovete et reddite Domino Deo vestro, omnes qui in circuitu ejus affertis munera : terribili,

76:12

et ei qui aufert spiritum principum : terribili apud reges terrae.

詩篇 第 76 章